aicha rochdi ouisse
عدد الرسائل : 244 العمر : 55 Localisation : اسبانيا تاريخ التسجيل : 11/02/2012
| موضوع: جات النّوبة الأربعاء أبريل 03, 2013 6:30 pm | |
| جات النّوبة
ياقلبي جاتْْ فيك النّوبة اسكت،ولاتسألني عفــاك
كية،على جبينك مكتوبة
هذاسعدك ،وما اعْطاك
الاحْزان والآلام ليك منسوبة
لا تتْأسّف اصْبر،واتْرجّى مُولاك
كل مرة اتقول هذي والتّوبة٠
مابين لحظة وأخرى عبد هواك
اعْييت تَعملْ الخْواطَـــرْ
وفي حقّك ديما صابـرْ
بعدما ازْرعْتِ المودَة والإتفاق
عليك ادْزايدُ في رحبة المساومة
اهْداوك حْصادْ لغدَرْْ والنّفاق
خلاوك غارْقَ في نيران عايمة
اعْييت تَعملْ الخْواطَـــرْ
وفي حقّك ديما صابـر
ياقلبي جات فيك النُّوبة
وكل شئ اظْهـرْ وبـَـانْ
كيََة،على جبينك مكتوبة
وحتى العْزيز اغْدَرْ وخانْ
هذي صدمـة الغالي القريب
بعدما كان كْريم ورحَابْ
فساعة اتْغيّر،وطبعُو صعابْ
حتى اصْبح معدوم الصواب
ياقلبي ولاتسألني عفــاك
احبابي وعلاش اقْساتْ القلوب
ومابقى ولو واحد بيناّ مرغوب
آه يا قلبــي
اعييتِ تعمَلْ الخواطَــر
وفي حقّك ديما صابـرْ
عدل سابقا من قبل aicha rochdi ouisse في الأربعاء أبريل 03, 2013 6:32 pm عدل 1 مرات (السبب : ة) | |
|