::
فْ لَحْلاَمْ
خيِرْ وَ سْلاَمْ
وَانَا
غَارَقْ فْ لَحْلاَمْ
بَانْ لِي فْ مْنَامِي
طِيرْ
مْحَلَّقْ كِالسّْحَابَة
فْ السّْمَاء فْ سِيفَةْ
إِنْسَانْ
شَدّْ إِيدي وقَالِّي:
اتْبَعْنِي عْلِيكْ
لَمَانْ
واسْمَعْ كْلاَمِي
ومَاتْخَافْ ثَانِي
بَايَنْ
كُنْتِ مَرْضِي
ومَحْضِي وْ خِيرَكْ
تَّنْشَرْ
ونْعَمْ كُلْ شِي فَانِي
شَدِّيتُ وَارْكَبْتْ
ضَهْرُو
وَجْنَاحُو دَايْرِينْ بِيَّ
كِالسّْوَارِي يَا سْيَادِي
وْهُوَ
يَتْكَلَّمْ بْحَالِي وْلَغَانِي بَكْلاَمِي
وْحَوَّمْتْ فُوقْ جْبَالْ
وَصْحَارِي
وْدْيَانْ ومَاهَمّْنِي حَالِي
تَطْوَالْ الرِّحْلَة وْلاَّ
تَقْصَارْ
حَتَّى رَاوَدْنِي صُوتْ
مَنْ بِينْ لَجْبَالْ
نَادَانِي
بَاسْمِي وْقَالِّي:
نَادِيتَكْ يَا بَنْ حَوَّاءْ
بَاشْ
تَنْزَلْ وَتْحُطّْ قْدَامَكْ
فْ تْرَابِي قْبَلْ مَا تَطْلَقَ
الشَّمْسَ
خْيُوطْهَاوَتْحَرْقَكْ بْضَوّْهَا ثَانِي
ضَرْبَتْنِي الْفِيقَة يَا سْيَادِي
وانَا فَرْحَانْ
وتْمَنِّيتْ لوُ كَانْ طَالَتْ
الرِّحْلَة
حْتَّى نْزُورْ كُلَّ الْبُلْدَانْ.
كاتبة الموضوع:
خديجة صادق
[center]
