غير أنا ألشوافة
جيتك دايخ كنتفافا
قولي لي آش المعمول
يبرى جرحي يتشافا
الشوافة :
شوف ولدي تسنى البخور
كنسمع الجاوي داوي
حصلابان فيه البرهان
مريوتة تحكي سرك
خليني نسمع لجوادي
لي قصدني محال يخيب
غير كون كريم وصافي
وململ ليا ذاك الجيب
هو :
غير شوفي ليا عافاك
لي طلبتيه نجيبو ليك
بغيت عافاك نعرف عيبي
نبوس لك يديك و رجليك
الشوافة :
عيبك ولدي قالت البخور
ما انت جاهل ما انت مسحور
عيبك ولدي طيب بزاف
ما تحسد انت ما تحقد
ما تنافق وما تكذب
عيبك ولدي غادي نيشان
قانع ساكت حاني راسك
كتْكرع وانت جيعان
خانع صابر كامي باسك
عيبك بالحجة والبرهان
عيبك عايش نبل الإنسان
هو :
صافي صافي عرفت عيبي
غير سكتي يا الشوافة
انتيا باغيا غا جيبي
سمعي لكلام من عندي
يكفيني نحب الإنسان
يسعدني نكون بنادم
الخير والصدق كنسعى ليه
طول عمري غادي نيشان
نمشي هكا وما عندي سوق
لاخر لا غلط سوقو هذاك
غير انا ما نسكت لوش
ما نخنع لوش ما نصبر لوش
غير دقي كذوبك دقي
إلا ضريف ما نرضى ذل
إلا ضريف ما تظلمونيش
نموتانا وراسي مرفوع
نموت ما نسمح فحقي
