ورث اجدادي

موضوع: *ورث اجدادي* الخميس مايو 02, 2013 6:17 pm

* قطعة زجلية من ديواني الأول *حنين وطني *

<blockquote class="ecxpostcontent ecxrestore ">
*ورث اجدادي*
*****

يا الغالَطْ ، فــوَحْدَة بــــــلادي

اسْمعني:لك تقديـري واحتـــرامي

لِكْ نحكي على وَرثْ اجدادي

و للتّاريخ سجّل ، دوّن كـلامي

يا الغالَطْ ، فــوَحْدَة بــــــلادي

*****

اتْمعن ياسيدي، ومتّعْ النّظـــرْ

من شمال طنجة لجنوب لكويرة

هذي أرضي،ومافيها أســــــرار

كُلشي واضحْ ،الدّليل المسيرة

*****

امْشيناهابنِظام،وراسنا مرفوع

مسيرة سلمية شعارنا القرآن

صف واحـد من كل الربوع

ابْهرنا العالم ،بحسن الإتقان
وإيمانّا بصوت الحق مسموع
يا الغالَطْ ، فــوَحْدَة بــــــلادي
*****
اسألْ الواحة وعروش النخلة
على العهدالقديم تحكي بالتدقيق
اسأل نسمة تلال الرّملـــــة
تلقى جواب:أنامغربية بلاتحقيق
يا الغالَطْ ، فــوَحْدَة بــــــلادي
*****
هذي وحدة بلادي مافيهانقاش
عليها مانتخلى بصْمتها فالقلب
المساومة عليها ماكاين عــلاش
هي قضية ملك،وعزيمة شعب
يا الغالَطْ ، فــوَحْدَة بــــــلادي
*****
اسمعني واصغى ليّ مزيان
كلشي واضح وبإمعـــــان
اصدر الحكم،وكان لكان
حقنا هذا مشروع وبالبيان
يا الغالَطْ ، فــوَحْدَة بــــــلادي
</blockquote>

موضوع: رد: *ورث اجدادي* الخميس مايو 02, 2013 10:24 pm

الله يعطيك : الصحة والعافية : الأخت : عائشة ...
قصيدة جزلية معبرة على، صدق الوطنية ..
كل واحد، يقول..بلادي بلادي وخى تكون حجرة ، أو صخرة ...

» الصحراء هي بلادي أرضي و أرض اجدادي