موكب جنائزي نسوي... بلا تحنكير
واحد من الاقارب براسو تًّْعْجْبْ
قال راجل على بنات المرحوم ارى نلعب
ماريا قربات من صندوق جنازة الاب
بدا يدفعها وبطناناتو يضرب
زعما حتى وْلِيّا ما تقرب
تمّا شفتها عليه تتجدب
ياك من هادي شحال وانا هازا هاد الاب
ياك خليت كلشي لهاذ السبب
ياك ما بقيت نضحك مابقيت نلعب
فين اسيدي كنتو ملي هو مريض معذب
ياك غير البراني والنسيب اللي رارا وقلّب
راه ما نخلي ليك فرصة علينا تغلب
وزايدون شكون كان رفيقي فهاذ الدرب
تقول واش كنا جميع متافقات
غير لابيلانص ب ابّانا تحركات
ف غياب اخ اللي يدفن جراو الاخواتات
ركبو فالسيارات
تلاقينا ف مسجد توركيا للعيالات
للظهر والجنازة تبعنا الصلاة
افتخرنا للحشود اللي تجمعات
بلا اعلانات
بلا ملصقات
و على ابا زين الابات
كلها دعات وصلات
سبحان الله تقول سيد من السادات
للمقبرة الوفود اتجهات
سيارات عامرة وموطورات
واتبعناها احنا البنات
ادخلنا واحنا باكيات ومرعوبات
شدينا الطريق اللي على الرجال بعدات
ما وصلاتناش من الفقيه الدعوات
لكن دعينا من الاعماق و بابسط الكلمات
يا ربي ترحمو ياقدير
رجعنا وعندنا احساس بافتخار كبير
راه وصلناه لمتواه الاخير
بلا ما شي واحد يبين علينا التحنكير
الى الغالية ماريا جبوري
جميلة جبوري
19/05/2013