الشطيح و الرديح و
الرقص و الأغاني
يا مغرب يا حبيب واش
انت زهواني
نظمنا الحفلات خسرنا
فيها لفلوس
آش خاصك يا العريان الخواتم
يا سلطاني
حشومة و عيب و عار
باراكة من التبدير
باركة من التدمير راني
نضرب المعاني
فهموني يا بشر في كلامي
جرح عميق
انا ماشي سمسار نتاجر في
الأماني
أنا قاسيت كثير ثابرت
خذيت العلم
و سهرت ليالي طوال من أجل
الخبز الهاني
أنا يا ناس ضرير عصاي
هي عينيا
قالو لي انت كذاب ضرير ديال
بلعاني
صراحة أنا مفتح و
بعيوني و نشوف
لكن سلبوني النور من قلبي
يا إيماني
كيفاش علاش و لاش واش
ما كاين غير حنا
الزرواطة للراس العامر
بالبرهان
فين غادي يا مغرب و فين
حقوق الإنسان
و لا جي سي احسن منا و من
الشعب لي راه يعاني
لي على قلبي على لساني
و لي كاين راه قلتوا
لي كاين راه قلتوا
و لي على قلبي على لساني
فوقاش نخدم تا أنا و
نشري طوموبيل
و نشري دار فين نسكن نتمتع
كيف اقراني
الدنيا راها واخذانا و
ما كاين غير الله
الموت راها تابعانا يا
ظالم لا تنساني
يوم المحشر ملقانا عند
العدل الكريم
حذاري يا ظلام فـ الآخرة
راك تلقاني
يا رب يا رحيم هذا
الموقف بكاني
شمت فيا العدى و الله يلا
عياني
لو كان المحضر غول كنا
حتى حنا اعذرناهم
لكن المحضر حق فــ عين
القاصي و الداني
ياه على زمان فيه الظلم
المجاني
ماشي عيب الزمان لكن عيب الإنسان
قابيل قتل هابيل مسلسل
كيتكرر
و علاش الظلم علاش قالها زيدون
الفاني
قصص الضيم بدات و أنا
راني نتسنى
فـ الشمس يلا طلعات و الحق
يلا ناداني
الحب الرحمة الخير دليل
القلب الصافي
الجود الصفح اليسر مذكورة
في القران
