مغربية حُــرّة

مغربية حُــرّة


أنا مغربية ،اسْمـي الحُــرّة
عشقي لبلادي يجري فالدَّمْ
وطنـي غالي، وريتُوحمرا
اعْطيَّتْ الخالق،وهّبْ وانْعَمْ
بَاهِي ورَحْبتُو ديما عامْــرَا
وحُبْ الله والملك هما الشِّعار

***********

مغربية،عَرْبية،أصلي غُـرّة
حفيذةْ مُولاي عْلِي الشْريـف
صحراوية ،عَلوِيّة بنت الصّحْرا
يشرّفني الشمال،والجنوب
الشرق، والغرب وحتى الرّيف
وحْدَة بلادي فوق كل الإعتبــار

*********

أنا مغربية،أصالتي راسْ مالـي
هي عَزّي فبلادْ النّاس وشـانـي
حافظها الله ،بالجــاه العـالــــي
بلادي عْزيزة وغالية
ومحروسة بعْنايةْ سرّ الرّبّاني
عليها نحكي لَوْلادي با فتخار

*********

أنا مغربية ،اسْمـي الحُــرّة
صحراوية حسانية لوني سمرا
عيوني الداخلة والساقية الحمرا
مقاومة وطنية قهرتْ الإستعــمار