الريع والقطيع
خيط المرما من الحرير
مطروز ف لوسادة
مطروز ف السرير
مايتخبل ف يدين المعلمة الطرازة
سوى كان ف الجرارة أو الصابرة
سرب السرابة تمشي
وفجر جرح الكية
أنا عامل ف بلادي
وهاز معايا الجرح بألف كية
واالي ف لخناشي راهو راشي
واللي ف لبرامل راهو غامل
ساوي معايا حق الماجور
ساوي معايا حق العامل
والازمة حتى واحد ما منها سالم
ويبقى مول الشكارة ديما غانم
جانا بكلام من الخلعة اللي ركباتو
[rtl]وهو من أولاد الاعيان ويا سعداتو ؟[/rtl]
[rtl]وخا كان يقرا وكان كاسول شد الدبلوم[/rtl]
[rtl]ورت الرملة والزبدة والغاسول[/rtl]
[rtl]ورث الاموال الطايلة اللي سلباتو وغناتو[/rtl]
[rtl]وف الساعة والحين[/rtl]
[rtl]سد المعمل وسد لوزين[/rtl]
[rtl]مبقات خلصة[/rtl]
[rtl]مبقات اجارة[/rtl]
[rtl]حيد الرا وخرج برا[/rtl]
[rtl]تخدموا بنص خلصة[/rtl]
[rtl]الازمة عالمية ياناس[/rtl]
[rtl]لازم نسد الباب[/rtl]
[rtl]وبالمرة مايبقى عساس[/rtl]
[rtl]واللي ينوض بكري فالسروية[/rtl]
[rtl]ما كحل بالنوم ف عيونو بالليل[/rtl]
أو داتو سهوة العشوية
[rtl]حساب الشكارة[/rtl]
[rtl]الربح أو الخسارة[/rtl]
[rtl]خسارة المال[/rtl]
[rtl]ولاخسارة الرجال[/rtl]
[rtl]بكري قالوا الخدمة مع النصارة[/rtl]
[rtl]ولا الجلاس خسارة[/rtl]
[rtl]خوت فالطين[/rtl]
[rtl]ومتخالفين ف الدين[/rtl]
[rtl]واليوم ولد البلاد[/rtl]
[rtl]مول الشكارة[/rtl]
[rtl]سد المعمل سد لوزين[/rtl]
[rtl]وانا معرفتش فين ؟[/rtl]
[rtl]مشى لسو يسرا أو بنين ؟[/rtl]
[rtl]لا محاسبة ولاسين ولاجيم[/rtl]
[rtl]وانت يامسكين[/rtl]
[rtl]الله ليك عوين[/rtl]
[rtl]ياك واكلين[/rtl]
[rtl]ياك شاربين[/rtl]
[rtl]ما عيونكم خارجين !!!!!!![/rtl]
[rtl] [/rtl]
[rtl] [/rtl]
[rtl]محمد ناجي[/rtl]
[rtl] [/rtl]
