"الرجولة"
الرُّجُولَة مَا تّْبَاعْ
مَا تْتْقَاضَا مَا تّشْرَى
مْنْ صْغْرْكْ شَادّة
بْحَالْ جْذُورْ الشّجْرَة
مَا قَلْتْبْهَا تْرْفِيحَة
مَا غْلْبْتْهَا قَهْرَة
تْمْشِي وْ تْجِي لِيَّامْ
وْ انْتَ كِيفْ الْحَجْرَة
تْدِّيهَا هَادْ الْمُوجَة
وْ دِيكْ الْمُوجَة تْرْجَعْ
وْ الْحَجْرَة هِيَ هِيَ
حَالْفَة مَا تْرْكَعْ
إِلاَّ دَاكْ الْمَا وْ زْمَانُو
رشَّاكْ كَمَا العْمرْ
المهم غَيّْرْ مْكانو
وْ فِيكْ بْدا يْحْفْرْ
القْبرْ وْ مَا خْلاَّ
بْالحَقّ تْكُونْ كْبِيرْ
فْ بْحر ولا فْ خْلا
تفرتت خلي مْزْرِيرْ
حْتَّى هُوَ فِيهْ الْخِيرْ
الرُّجُولَة مَا تْبَاعْ..مَا تْقَاضَى
مَا تْشْرَى
لَكِنْ اسْمْعْ كْلَامِي
ياراجل رُدْ البَالْ
يْجِيكْ فْ يُوْم شْمَاتَه
وْ يُغُرّْ بْزِينْ الْحَالْ
يْصُوطْ بْزِينْ الْهَضْرَة
بـْرَابُـوزُو مْفْشُوشْ
وْ لْسَانُو تْحْتُو جَمْرَة..
و قَلْبُو فاخر كْرُّوش
يْـدَنِّي تْحْتْكْ النارْ
يْـطَيّْبْ فِيكْ الْخَاوَا
مْلِيحَة وْ طُونْ بـْزَارْ
وْ لَحْمُو مْقْلِي بْـعْـدَاوَة
طَاجِينْ وْ عَيْبُو طِينْ
لَكِنْ انْتَايَ حَجْرَة
ضَرْبَة مْنكْ فْ رَاسُو
عَمّْرْهَا مَا تْبْرَا..
تْمَّا تْفْنِي وْسْوَاسُو
و الرجولة ما تّْبَاعْ
مَا تقَاضَا مَا تشْرَى
