زِينَكْ خَذَّاعْ
********
وَاتَاكْ السَّالَفْ مَطْلُوقْ
وُالشَّامَة عْلَى خََذَّكْْ فُوقْ
شْْحَالْ جْْلَبْتِي مِنْ مَعْشُوقْ
لَرْفَاقْتكْ يْحَنّْ وُيْتُوقْ
لَقْوَامَْْ مْعَدَّلْ مَمْشُوقْ
وُلْفَلْجَة مْزَيّْنَاهَا شْقُوقْ
فْ النَّاظَرْ سَهْمَكْ مرْشُوقْْ
خْسَارَة عْلِيكْْ قَلْبََكْ مَحْرُوقْ
مَنْ دَاخَلْ كْحَلْ مََغْلُوقْ
مََنْ طَاحْ فْ شْبَاكََكْْ مََلْعُوقْْ
مَايْْفُكُّّو التَّّنْوَاحْ وُ لْعُوقْ
وََلاَ دََمّّّْْ احْمََرْ مَهْرُوقْْ
بعد غْزَا سُمَّكْ لَعْرُوقْ
يَاتُرَى يَصْحَا وَيْفُوقْ ؟
أَوْ يَبْقَا مْشَلَّلْ مَوْْعُوقْ ؟
زِينَكْ خَذَّاعْ مَايْرُوقْْ
تْنَبّْهِي لْحَالَكْ يَا لْ آفَة
قْبَلْ لاََتْْعُودِي مَعْيَافَة
وَيْگُُولُُو عْلِيكْ بَنْتْ السُّوقْ
المريني ادريس
القصر الكبير بتاريخ : 17 / 11 / 2012
