بَايَاشْ غَا نْْحَارْبُو لْفَسَادْْ ؟
**************
بََارََاكَا مََ لَََّفْْسَادْ
رَاكُو مْخَرتُُو لَََبْْْلاََدْ
كِ الطَّالَعْ كِِِيفْ لْْْهَوَّادْ
كِ الشّْرِِيفْ كِِِيفْ لْْقَوَّادْ
كِِِيفْ لَعْبِيدْ وْكِِ لَسْيََادْ
التَّحْتَانيِ داَگّْ لُوْتَادْ
اللِّي فْ الرَّاسْ شَادّْ لَعْنَادْ
مِيزَانَّا مَابْغَا يَتْگَادّْ
سُومْنَا دِيمَا هَوَّادْ
هْْمُومْنََا بْ لَعْرَارَمْ تَزْدَادْ
وُحْنَا مََابِينْ غَفْوَة وُسْهَادْ
الطّْريدَة تَخْلََعْ الصَّيَّادْ
الشَّمْكَارْ يَحْكَمْ فََ لْقُيَّادْ
الرَّشْوَة تْحََلَّّقْْْ بَ لْمُنْطَادْ
وُلْْْعَامْْ زِينْ كِيفْ لْمُعْتَادْ
بَاشْ غَا نْْحَارْبُو لْفَسَادْْ ؟
مَالْ الرِّيعْ وْلِيقْتِصَادْْ ؟
مَالْ لَمْقَالَعْ وَالتَّصْيَادْ ؟
خْلَقْتُو لَهَّايَة لِ لْعِبَادْ
طَلَّعْتُو لَسْعَارْ بِ الجَّّّبَّادْ
سَبَّبْتُولْ أَََزْمَة وُ لْكَسَادْ
سَاوِيتُولْمََظْلُومْ بَ لْجََلاَّدْ
طْلَقْْتُو السِّّيبَة فَ لْمَزَادْ
بَاشْ غَادِي تْحَارْبُو لْفَسَادْْ ؟
وُتْْرَفْعُو الظُّلْمْ وْلِيسْتِبْدَادْ
بْ سُبْحَانْ اللهْ رَافَعْ لَعْمَادْ ؟
وُلاَّ بَ لْمَدَدْ لْمَدَدْ ؟
يَارَايِسْ جْمَعْ رَاسَكْ
وُرِّينَا قْوَامَكْ وُسْلاَحَكْْ
خُذْ بَنَانَكْ وْتُفَّاحَكْ
خَلِّيه غِ لَهْلَكْ وْنَاسَكْ
وْفَرَّقْ عْلِيهُومْ ضَحْكََاتَكْ
الشَّعْْبْْ مَََابَاغِِِي تَنْكَاتَكْْ
الشَّعْبْ بَاغِيكْ تْكُونْ جَوَادْ
تْرَجَّعْ لَسْعََارْ كِيفْ لْمُعْتَادْ
السّْفِِينَة جَانْحَة وَسْطْ لْوَادْ
وْلَرْيَاحْ لْعَاتْيَة فِي تََشْدََادْ
فِيقْ يَارََايِسْ خْدَمْ لَبْلاَدْ
كْفَاكْ تَنوَاحْ كِفَايَة حْدَادْ
آشْْمَنْ عَفْرِيتْ وُلآ تِمْْسََاحْْ
لِيهْ التَّقْْصَادْْ ؟
شْهَرْْ إِفْْلاَسَكْ بَرَّحْ بِيهْ
عَ لَّعْبَادْ
عْلَى التَّسْيِيِرْ مََانْْتَ گَادّْ
بَانْ ضََعْفَكْ شْبََاكََكْ رْْشَاتْ
مَاتْْلاََتْْ صَالْْحَة لِلتَّصْيَادْ
شُوفْ لِيكْ مْسِِيدْ أََوْْ حَلْقَة
سََاحَةْْ لَفْنََا تْعَجّْ بْ الرُّوََّادْ
وُنْتَ تْبَارْْكْ اللهْ قَامُوسْ
تَمْلَكْ عُدَّة لِلتَّفْوَاجْ وُعْتَادْ
مَاحْنَاشْ رََايْدِينْْ ذَاتْْ لْعِمََادْ
وُلاَّ قَصْبَة كِي بَنْ شََدَّادْْ
بَاغِينْ قْوَالْ وُفْعَالْ
إِيْْلاَ فْشَلْتِي عْْلِيكْ بْ لَبْعََادْ
احْنَا مْغَارْبَة وْْلاَدْ طَارِقْ
وُلْمَهْدِِِي وْشَلاَّّ جْدَادْ
بْغِينَا نَخْوَتْنَا وُُكْْرََامَتْنا تَتْْعَادْ
بْغِينَا زَرَّاعْ مَابْغِينَا حَصَّادْ
زْْمَانْ لْحَجَّاجْ رََاحْ وُتْبَادْْ
مْشَازْمَانْ لَعْبيِدْ وْلَسْيادْْ
وُُيْلاَ عْلىَ السّْيَاسَة مَانْتَ گَادّْ
خَرْبَشْ سْطُُورْ مَعْدُودَة بَ سْمَقْ
فِ دْوََايَة أَوْ بْ رِيشَة وُمْدَادْ
قَدَّمْ اسِْتِقَالْتَََكْ فَرَّّحْ لَبْلاَدْ وْلَعْبَادْ
رَاكْ مَاگَادّّْ تْحَارَبْ لَفْسَادْْ
المريني ادريس
القصر الكبير بتاريخ : 20 / 11 / 2012
