أجي نديو نجيبو ف للغا بحال زمان أنامدينتي هي البيضاء وا نت

مشرف عدد الرسائل : 648 تاريخ التسجيل : 03/03/2013

دعوة للمشاركة بزجليات أنتظر أقلامكم المميزة .....

******آجيو نديو نجيبو ف اللغا بحال زمان
أنا مدينتي هي البيضاء وانْتَ......***

عنوان القصيدة

يا الْبِيــــضَاء

يَاالْبِيـــــــضَاء

بَ غْرَامَكْ

رَانِي نَسْهَرْ اللَّيَالِي

و نْعَدّْ لِيَــــــامْ

عْشَقْتَكْ

وأنَا مَازَلْتْ فْ حُضْنَكْ

مَا شَفْتْ النُّورْ

حَبِّيتـَــكْ

وَهْوَاكْ

مَا يَخْطَانِي

سْنِيـــنْ عْدِيدَة

قْضِيتْ بِينِ اِيدِيكْ

طُفُولَة نَعْـــتَزّْ بِهَا

رَاهْ مَا نَقْدَرْ نَتْنَفّْسْ

غِيرْ هْوَاكْ

حَسِّـــيتْ بَ لْغُرْبَة

مَنْ بَعْدْ مَا تْخَلِّيتْ عْلِيكْ

يَتْغَنَّى بِكْ لَبْعِيدْ و لَقْرِيبْ

عْلَى فْرَاقَكْ مَانِي عُوَّالْ

نَرْجَعْ لِيكْ

وَلَوْ نْجُوبْ كُلَّ الْبُلْدَانْ

بِكْ تْرَعْرَعْتْ و تْعَلَّمْتْ

وَخَطْوَاتِي

كَانَتْ عْلىَ اِيدِيكْ

يَاالصّْدَرْلَحْـــــنِينْ

مَا نَقْدَرْ نَنْسَاكْ

حْتَّى لِيلَة

أَنْتِ الَعْقَلْ أَنْتِ عَيْنِيَّ

يَا الْبِيضَاء

يَا لْغَالِيَة عْلِيَ

رَاهْ بَغْرَامَكْ

نَعْشَقْ لْيَالِي

الِليّ تْذَكّْرْنِي

فْ أَحْلىَ ايَّامِي

رَاهْ بْلاَ بِكْ

مَا عَنْدِي قِيمَة

أَنْتِ قُدْوَة لَكُلَ لَجْيَالْ

يَا حْبِيبَةْ كُلَّ لْعُشَّاقْ

أَنْتِ عُمْرِي

مَرّْ الزّْمَانْ

يَاالْبِيـــــــضَاء

بَ هْوَاكْ

رَانِي نْعَدّْ لِيَّامْ

بُعْدَكْ طَالْ هاذَ لْمَرَّة

نَدْعُو رَبِّي

يَجْمَعْ شْمــَـــــــــلْنَا

يَا الْبِيــــــــضَاء

يَا عَيْنِــيَّ

كاتبة الموضوع:

خديجة صادق مدافع

:هي من ضمن الكتابات القديمة والجميلة .
لم أكن أعلم أنه سيأتي يوما وأعشق بحره
وأصبح من المتيمين بعشق الزجل.

يمكن كتابة زجليات لعشقك للمدينة التي ترعرعت فيها ورأيت النور بين أحضانها
ما عليك سوى التفكير لهنيهات وستجد نفسك أمام قصيدة تمدح فيها
بعشق تلك الأم الثانية القلب النابض بالحياة .

تحياتي

نحمد المولى الجليل

على الجامعة بين الحر والظل الظليل

محضية بالله ورجالها السبعة والثلج والنخيل

كل شبر منها بوالي جليل

هواها شافي لكل عليل

الكل يقلب لها على سبيل

يتمتع بها غير مرة إلا ماكان عمر طويل

ناسها محبوبين اصحاب نكتة

ودمهم ما ثقيل

تاريخها حاضر فكل درب ضيق طويل

ومستقبلها تبشر به

ناسها اللي للعلم تميل

ومشارعها فوق تانسيفت و إسيل

هي الحمرا ما تحتاج دليل

نعشقها وما نرضى لها بديل...

جميلة جبوري
05/12/2013
لك أزكى تحياتي الأستاذة الفاضلة خديجة صادق مدافع.
يسرني ان اكون أول المتفاعلين واتمنى ان تطول الصفحة وبالله التوفيق !

مشرف عدد الرسائل : 648 تاريخ التسجيل : 03/03/2013

كتبت حروفك يا جميلة بخط واضح يوزن لقناطر مزين بلون دمي اللي يغلي ف عروقي
ب حَرّْ وب حَرّْ وب حر حرف زجلي دايزه لكلام

تحياتي وأتمنى أن يروقك التغيير

مشرف عدد الرسائل : 648 تاريخ التسجيل : 03/03/2013

أهلا بك وبحرفك يا جميلة وشكرا على الإضافة الرائعة والتي تمدح مراكش الحمراء ....
أتمنى أن ينضم إلينا آخرون ...

تحياتي

سلام الله عليكم جميعا ، أهلا بالأختين خديجة صادق وجميلة جبوري ،

الصحيحة لباس بعدا الدنيا هانين والسما صافيا ، أنا غيرسرقت هاد لوقيت

باش ندي ونجيب معاكم فلغا شوية ، وخى بلا ميزان ...غادي نحكي لكم واحد القصصية

وقعت لي ف مراكش في أيام الشباب ، كنت مشيت في رحلة مع شبيبية حزب الإستقلال .

وحنا جماعة كنتسراو مشينا زرنا المنارة وركبنا ف الكوتشي ، وكان النهارحار،

وصلت درجتو إلى عقلي ينفعني 45 درجة ولكثر، ؤدرنا من بعد فين نتلقاوا ،

ؤتفرقنا كل واحد واش بغى يشري ، ونا مشيت نتسارا ف شارع كليز، ونا تلقيت واحد المراكشية

وحنا ماشين ف شارع كليز كلتلها ، هاد شارع كليزشحال طويل !!

وقفت ؤشافت فيّ وعروقاتها من جبهتها كتقطربحال حبات الشتا !! وكالت لي أنا بعدا تقضاوْ لي ،

وشفت فيها وكلت لها ، إلا تقضاو ليك انت بنت مراكش!! أشوى نكول أنا اللي جيت لمراكش أول مرة ،

واترني نمشي نديرواحد التدويشا ، ؤواحد لمسراريا على الكوتشي يضربني شوية ديال الهوا ،

ولا ه أنا ماغاديش يتقاضاوْ ليا .!!!

موضوع: ميسور الجمعة يناير 03, 2014 1:13 am

[size=18]

ميسور

ميسور اللون الدافي اللي به ترسمت المحبة /

ميسور جكايتي رواتها رجال الخيل والسربة /

ميسور الحلم اللي غاب فعيون العشاق /

ميسور يامي تسلت من بين يدي وتشتت لوراق /

ميسور الحرف والكلمة والحكمة تجري فسواقي/

ميسور أخوي كل من شرب بحبها يهتف باقي /

ميسور لالة وسيدي نحكي لكل الناس /

ميسور لالة العشق فعيون الطفلة والتراس /

ميسور لالة حنينة نزوكي ونغني بلاقياس /

ميسور لالة وكلامي نكولو ما قريتو فالكراس /

ميسور العشق اللي داني بها راني ولاف /

ميسور الحبيبة الغريبة سمحوا فيك لكتاف /

ميسور العاهد ما نخون ديما بك هتاف /

ميسور فكل مرسم بك نرسم شعاري /

ميسور بك نبني ونعلي نحرر افكاري

[rtl] عبد العالي الوالي[/rtl]

مشرف عدد الرسائل : 648 تاريخ التسجيل : 03/03/2013

شكرا للمرور يا عبد العزيز لكن مازلت أنتظر مشاركتك ومدحك لمدينتك التي بها ترعرعت والتي تمثل الأم الثانية لمسار حياتك
تحياتي أيها العبقري

سلام الله عيلك أخت خديجة صادق ، حاضر، إن شاء الله سأكتب على مدينة سلا ، شنو وأيك واش ، بالزجل أو العربية الفصحى ، غيرانسالي شي أشغال مهمة إن شاء الله ،.

مشرف عدد الرسائل : 648 تاريخ التسجيل : 03/03/2013

عبد العزيزالنضّام كتب:: سلام الله عيلك أخت خديجة صادق ، حاضر، إن شاء الله سأكتب على مدينة سلا ، شنو وأيك واش ، بالزجل أو العربية الفصحى ، غيرانسالي شي أشغال مهمة إن شاء الله ،.

حسنا أنتظر زجليتك التي تمدح فيها مدينتك الجميلة
تحياتي

مشرف عدد الرسائل : 648 تاريخ التسجيل : 03/03/2013

أهلا بك وبحرفك الجميل يا عبد العالي في صفحتي المتواضعة .
ننتظر مشاركة كل من له الحنين والشوق لذكريات جميلة لن تمحوها السنين أبد الدهر .

تحياتي

مغربية حُــرّة
*****

أنا مغربية ،اسْمـي الحُــرّة
عشقي لبلادي يجري فالدَّمْ
وطنـي غالي، وريتُوحمرا
اعْطيَّتْ الخالق،وهّبْ وانْعَمْ
بَاهِي ورَحْبتُو ديما عامْــرَا
وحُبْ الله والملك هما الشِّعار

*****

مغربية،عَرْبية،أصلي غُـرّة
حفيذةْ مُولاي عْلِي الشْريـف
صحراوية،عَلوِيّة بنت الصّحْرا
يشرّفني الشمال، والجنوب
الشرق، والغرب وحتى الرّيف
وحْدَة بلادي فوق كل الإعتبــار

****

أنا مغربية ...
أصالتي هي راسْ مالـي
هي عَزّي فبلادْ النّاس وشـاني
حافظها الله ،بالجــاه العـالــــي
بلادي عْزيزة وغالية
ومحروسة بعْنايةْ سرّ الرّبّاني
عليها نحكي لَوْلادي با فتخار

*****

أنا مغربية ،اسْمـي الحُــرّة
صحراوية حسانية لوني سمرا
عيوني الداخلة والساقية الحمرا
مقاومة وطنية قهرتْ الإستعــمار
                           *****

      قبلاتي الحارة يا الغالية خديجة
   ياأنامل الإبداع

مشرف عدد الرسائل : 648 تاريخ التسجيل : 03/03/2013

أيتها الشاعرة الغالية: عائشة قلب تنبض دقاته حبا وعشقا بوطنها الحبيب المغرب
لقد أمتعتنا بقصيدة جميلة شكرا لك
تحياتي لك غاليتي ولا تغيبي عنا أنت وقلمك هذا .

عدد الرسائل : 1 تاريخ التسجيل : 15/08/2013

تازا يا لغالية

نبكي ونشكي وقلبي هاز ذبيلة
عليك يا تازا يا الهبيلة
دمي فعروقي سربة خيالة
خديتي جوارحي والعقل
هزمني فيه حبك حلالة
***
ريحتك فحلقي من صغري
وانت عروسة مزفوفة للريف ما تدري
هاموا فحبك العديان من بكري
فرنسيس وسلبيون عيا ما يجري
خداو مايعاودو فبلاد الحلوف والبكري
وانت يا تازا عمري يا عمري

مشرف عدد الرسائل : 648 تاريخ التسجيل : 03/03/2013

جميل حرفك هذا :يا عبد الغني
لقد شذى حرفك وأطربنا بأحسن الرنات ،
لقد مدحت هذه المدينة الساحرة وعرفتنا على أهم جمالياتها وطابعها الشخصي ،
إنها الأم الثانية لأحلامك وطفولتك و ذكرياتها التي لا تقدر بالثمن .
شكرا لك أخي الفاضل : عبد الغني
وأنت تكتب افي أول موضوع في الجامعة هذا شرف لي .
وأنا بدوري أرحب بقلم مميز في بحر الزجل ،
فمرحبا بك وبحرفك البهي

» زمان هدا واشمن زمان
» بـــحــال ديــما
» الرّجالْ بْحالْ الجّفـّافْ ...!
» زمان واش من زمان
» زمان