نحلم معاكم بغدا

موضوع: نحلم معاكم بغدا السبت يناير 11, 2014 12:30 am

نحلم معاكم بغدا

[rtl]كتبت حروفي بالصدق
ورصعتهم بالمحبة
ورشمت البسمة فالمعني
تلاقي القلوب فزمان الغربة
تفتح طريق لنور جاي مع غدا
باش ليوم يكون فرحة
ونحلم معاكم بغدا
...
تلاقي الروح فجواها
تزين بالبها(ء) زمان السفاهة
وكلمة واقفة على راس المنبر
تحرص اللامة من حروف الشر
والحلم يكبر
باش يجي بمقام غدا
...
تلاقيك انت ف سطور لحكاية
كاتب السر بيديك
كاتم حر الشوق ف كفة
وكفة بقات ترفد الحلم
اللي يجي مع غدا
...
تلاقي لشواق
المكتوبة مع السر
ف صحيفة الوقت والشاهد بدر
ف السما يكبر
يقبل النجوم باش تضوي كثر
للمراسم المنصوبة لغدا
...
تلاقي الحلم
المكبل ف كفوف الشدة
يتحرر يركب صحوة الحرف
يصول فالمراسم
باش ما يطفاش النور من غدا

عبد العالي الوالي 2014/01/07[/rtl]

[/size]

مشرف عدد الرسائل : 648 تاريخ التسجيل : 03/03/2013

دائما مميز يا عبد العالي
والجميل في قصائدك
أنها نشعربها قد وشمت حروفها بطابع منبعث بإحساس صادق في صورة رائعة الجمال .

كتبت حروفي بالصدق

ورصعتهم بالمحبة

ورشمت البسمة فالمعني

تلاقي القلوب فزمان الغربة

تفتح طريق لنور جاي مع غدا

باش ليوم يكون فرحة

ونحلم معاكم بغدا

تحياتي لك أخي ولحرفك البهي
يالتوفيق أخي في مسيرتك الإبداعية

شكرا لك لالة خديجة ودائما انت طيبة أستاذتي الكريمة أتمنى أن اكون في مستوى الجامعة وتطلعاتها مودتي لك ولكل أعضاء ورواد الجامعة تلميذكم عبدالعالي