قبل قراءة هذه القصيدة المرجو مراعاة أحاسيس و و مشاعر الكاتب
طاح الضيم عليا
و الدموع نزلات من عينيا
و بو تفتاف ركب يديا
لقلب حزان بكا
و العقل في لهبال تكا
كل يوم ساعة و دقيقة
نشوف صورتك نسمع صوتك
كذبو عليا , كنتسنا رجوعك
كيف ترجعي و بيدي دفنتك
و قبل تسامحنا و بيدي غطيتك
فارقتني و شحال صعيب فراقك
وحشك صعيب شعل فيا نار
لهيبها حار
يكوي لقلوب بلا جمار
يا مي يا لحنينا فيا
يا لكاويا فلبي ألف كيا
كيف ندير و بلا بيك أنا ليوم
كل ساعة بفراقك مهموم
يا لميما راه حبك فيا دايم و يدوم و زيزيد يدوم
يا لميما مالقيت جهد نزورك كل يوم
صباح و عشية و حدا قبرك و شوف تشوف واش يجيني النوم
كيف نوصل لباب الدار
نتفكرك
ملي نلقا الباب مسدود على من ندق
و أنا ما نسمع صوتك
الله عليك يا ميمتي الله عليك
الله عليك و المزغوبة عيطات عليك
الله عليك يا مي الله عليك
و ما حر الشوفة اللخرة فيك
و البوسة اللخرة في جبهتك و يديك و رجليك
إيه يا الغدارة
خليتي في لعزيزة لعقول حيارة
الله ياخد فيك الحق
يـــــــا الــــغـــــدارة
الكتابة : الشاعر الولهان
