عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
 | | موضوع: ف شي شكل الأحد مارس 16, 2014 10:36 pm | |
| ف شي شكل الوقت فاق معطل من فوق سحابة طل مضى سيفه ب لمهل لبس ضوه ونزل فرحان وعلى نية الخير معول مع اللي مشى وخلى حاله عليه يسول ومع مول العقل ومع اللي... ف شي شكل الوقت شرب بلا كاس حتى مل العرق اللي سال ذل وتخلط ب حبات ترابه وتفتل وفاحت ريحته مرة يحيىَ حتى يقنط ويعيىَ مرة يسهى حتى توكضُه بوسات النحل ف شي شكل الوقت تبدل وتعكل ف حفاري العقل إما يتخبل حتى ما تميز حاملة من شادة ب حبل وب خيره يبخل حتى يتوحش بوكبار ريحت الخل يربط خيله خايف من الريح ويقطع سيله عايف المديح المنشور على خيوط الحجبان المخبيين ف بير الخاطر عل الكل إما يتحل ويخلي الفرحة من شقوق كدم الرقاص تبسم الحنة المحنطة تراب طريق المحنة من نهار نزل عليها آدم بلا خَاطْرْ، تتسل والغضبة الراكدة ف صدر الليل والقاطعة نفاسه حتى الفجر، ترحل ف شي شكل سوى زرب حتى قرب يهرب على ضله وعاود عكب سوى تعطل حتى فاضت شتا الكذوب من ودنين السطل الوقت عيا ومل ونشرعياه على مسامر السوايع اللي كتطوف بلا ما تكل وندم عل لحزام اللي تحل ف وقت الجد والحصاد ب المنجل اللي بقوة مضاه كيخلي السبولة خبزة ف عين اللي خرجات روحه نهار الخير ف جوفه دخل وحصل ف شي شكل فبراير14 | |
|
فتيحة الدرابي
عدد الرسائل : 442
تاريخ التسجيل : 21/02/2011
| | موضوع: رد: ف شي شكل الجمعة مايو 09, 2014 6:00 pm | |
| زجلية رائعة تستحق القراءة والمتابعة.
تحياتي لقلم زجلي واعد. | |
|
عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
| | موضوع: ف شي شكل الأحد يونيو 22, 2014 10:59 pm | |
| شكرا أستاذتي الفاضلة على تشجيعك المستمر،
للا فاتحة الدرابي عواشر مباركة
وكل عام وأنت بألف خير... | |
|
