عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
 | | موضوع: زهرة... الإثنين مايو 19, 2014 10:09 pm | |
| [size=32] [/size]
حلي عينيك
خلي عيني تنسى بردها
و تدفي خريفها
فيك
حلي عينيك خلي عيني
تفرش رموشها وتهديني
ليك
طَوْلي الشوف
بغيتْ نْشُوفْ
صورتي باهتة لاهتة مخطوفة
ساخطَّة عليَ و راضية
عليكْ
اللي عندُه أنت ونْساك
نسّاه الزمان
ف ربيع عينُه
و حْرَمْ حياتُه
من صيف
عينيك
كَنْسَلَّكْ ونطوف و نتخطى سَلْكْ
الخوف ملي طريقي كيجيبك
و طريقك كيديني وكيوصلني ليك
وكيكفيني بك
وكيعرفني عليَ
وأنا حاني عينيَ
و كنبوس يديك
و كنبكي و نكثر
حتى كيسرح
كْحُلْ جفوني
و يخسر
حتى كيشرب حنكي
المعتقة من دموعي
و يسكر
حتى كتسيل
روحي من عيني
و تتخطى حفيرات
الزين
و تتْبَخَّرْ
حلي عينيك
خليني نسافر فيَ و نرجع ليك
و نخاف علي َ
و نَهْنَى ف أحضان
أغانيكْ
و نعوم ف بسمة
حلوة كتشالي و ننشف ب تنهيدة
من صوتها فريدة
كتخبل حبالي
وكتحجبْ على فهامتي
دعاويك
سديت عيني
وحليت قلبي ليك
نشوفك كمرة
و نشوفني طافي وإلى قلبي سْكَتْ
قلبك كافي
دقاتُه تذكرنا
شحال حبك شافي
و شحال كنبغيك.
سرحاني 11/2013
| |
|
عتيقة لهراس
عدد الرسائل : 403
تاريخ التسجيل : 18/12/2008
| | موضوع: رد: زهرة... الثلاثاء مايو 20, 2014 11:40 pm | |
| الله يعطيك الصحة استاذ سرحاني | |
|
عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
| | موضوع: زهرة... الأحد يونيو 22, 2014 11:03 pm | |
| للا عتيقة لهراس راقني مرورك البهي أنا جد سعيد بملاحظتك عواشر مباركة وشكرا جزيلا | |
|
