[ltr]انتَ الجاني ولا الجانين[/ltr]
إحتضني متل .. نهر الأردن واقول لك انك صديقي..أنا مرهق قول لي هل ستحتضنني ...ادا اخطأت هل ستؤنبني..لكنهم اخبروني ..أن الرجل يجب ان يكون مؤمناويمشي حتى إن كان عاجزا ويقاتل للنهاية , لكن ما أنا إلا يشرويبدو أن قوات العالم تتناوب علي... اسطورة الغناء : مايكل جاكسون. ====وسط الزحمه تهت
من يد الطريق
فحال شي نبي اخدعاتُه نجمَه
تهرس الوحي...
تيَّه الحلم وتاه..
أَوْ حكمة غابت على لقمان
بعد ما فصل بينُه وبينها الموت
=====
سير يا انا ليك
لا قل ولا اكثر
من قطرة تلذّذها التراب
وكنا هنا معجزة للطين
قالت : النجمة للكف
اياك تفتح لريح
كتعوي ورا لبواب
و تشعل جرح الماضي فينا
حط بينا على غيمة
كتتوجع بالحيظ
نرويوا عطش الغايب
ونكمل هذ السفر
===
لا حياة على أرض
كتتنفس تحت الدم
لون حلمك تناسل فيه الوان
وصرخ ويلا مارجعش اصداك
اصرخ تاني حرر من منفاك
يا ارض سكنتينا يمتى نسكنوك
يا موال مبحوح
بين الجسد والروح
زغرتي يا ميمةْ القصيدة ...الشهيد
ايلا متنا همسةْ الموت
ف ودن الأرض هنا...
لينا شبر...هنا نصيروا
قمح...نخل...امازيغ
وماتشهى القلب ويريد
طيف الدم
كينفخ غدّا دخان
ونا كنتسلل ورايا
نرقع جروح الطين
السما كتغرق ف المستحيل
والأرض كتمسك اقدامنا
تقول خايفَه تطيح
خايف من الرحيييييييييييل
ارجع ليك يا أنا
قبل ما تتوحم الساعة
بالوقت كُنت هنا
خالق... مخلوق
هابط ... مرفوع
اختالفت الروايه ف لسون الراوي
بين الأرض والسما
نعم كنتِ هنا
كتحاور داكرةْ (الغربان)
علماتك كيف تدفن الموتَه
ونسات تجعل منك إنسان
=========
حضنيني يا حلمتي ف عش عطشان
نطل من شقوق الجرح
تتحر حقيقتنا من سجون الظلام
أنا الشاهد عليها
القاطع سرْتها بيدي مكان
فين كُنت حتى تلّى بيا سؤال
تأخر فيا الوقت
لما فقت كان اللي كان
جيوش الأسطورة عاضَّه
ف بزولةْ المكان
وجراس الكنيسة كتسرق
ما بقى ف الودن من اذان
====
انتحرت زروقيةْ السما ف العين
بكات الأرض وليدها
وانت دبحتِ الصرخة ف الجوف
ومتِ ف جرحك الآخيره
أنت الجاني
يا أنا…
ولاَّ (الجنين)
أحمد السبتي / المغرب
/ من ديوان : رياح الذات / ترقبوا صدوره قريبا
