ارض لجدادا
سمع مزيان يا لمحقاد
راه لمغاربة ملين لبلاد
ولا كنت مشكاك ؤ معناد
نسولو الساقية والــــــواد
من فيهم من لعبــــــاد
ورثين الارض من لجداد
=0=0=0=
جوبات الرمال ؤ كالت
الدليل والحق تـــــــابث
جدر مغربى فتراب نابت
حكمو الملوك قرون فاتت=0=0=0=
الدورة والفرسية
ولمحبس وجديريا
وثرس جهة الدهبية
ولتاريخ شاهد عليا
مغاربة ميا ف المياولا ماثقتوش بيا
=0=0=0=
سولو حكام العالم
ياك من لهاى جا لحكام
البيعا الملوك الهمــــام
حجة ثابة مقيدة بتمـــام
صحرا مغربية بلا كلام
امر الحسن زيدو القـــدام
سلاحكم مصحاف ؤعلام
سيرو بنضام وانتضام
حييو مع حبابكم لرحام
للى سلم ردو اســــلام
=0=0=0=
انطلقو لمغاربة لحرار
من كل مدينـــــــة ؤ دوار
ثلثميا ؤخمسين الف يا حضار
تحطمو لحدود تخرب لجدار
من لعيون جات لخبــــــــار
الخطانوس اهجر الدار
=0=0=0=
بلا بلوط المسيرة سلميـــــــــــة
رجعات الاقاليم للام الاصليـــة
راية حمرا خضرا علاويـــــة
ترفرف فوق صحرا المغربية
زين المصطفى
