عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
 | | موضوع: تسمحي لي بهد الرقصة؟ الإثنين أغسطس 04, 2014 1:17 am | |
| تْسَمْحِي لي بْهَدْ الرقصة ؟ شَطْحِي يالَلاَّ وبَرْدِي الجنون عَمَّرْالجن ما يَبْرَدْ والطرح سخون شطحي يا للا وزيني الحزمة عمرالعقدة ما تصبر قدام النغمة شطحي يا للا وزيدي فيه اللي زربوا ماتوا واللي تعطلوا ما سخاوْ بيه شطحي ياللا الشطيح دْوَا للضعيف والقوي واللي عمرُه ما دْوَا الشطيح جبيرة ل اللي عندهُ واللي خصهُ واللي عمرهُ ما سوىَ شطحي يا للا وتَبْعي الميزان غمضي عينيك فتحي روحك عيشي زمان ارخي شعورك يَتْمَاوْجوُا ف كل مكان شطحي يا للا فوق القعدة جَدْبي.. رَكْزي ما تْرَحْمِي حتى طرف من الكسدة شطحي يا للا اليوم ديالك غَطّيِه ب جمالك جَمْليه ب لوانك وعطريه ب عطرك حتى يغير ظلك وخيالك شطحي يا للا وقَيْسِي قلبي رهيف سا يْسي خاطري هواوي تْكايْسي تكايسي حتى نَنْسَى راحة نعاسي حتى نتوحش حلاوة كاسي حتى يَتْعرَّى وسواسي حتى يَبْرَا باسي ويسكن شطيحك يا للا ف راسي. مايو 2014 | |
|
زين المصطفى
عدد الرسائل : 228
العمر : 80
Localisation : مدينة الداخلة
تاريخ التسجيل : 12/04/2012
| | موضوع: قصيدة ملحونية جميلة الثلاثاء أغسطس 05, 2014 2:26 pm | |
| اخى المبدع عبدالعزيز قصيدة جميلة رائعة تصلح للغناء فى فن من الفنون الشعبية المغربية غيوانية -عيطة _عصرية المزيد من هدا النمط والله والى التوفيق | |
|
ربيع عامر الغيواني
أديب مميز
عدد الرسائل : 1461
تاريخ التسجيل : 27/12/2007
| | موضوع: رد: تسمحي لي بهد الرقصة؟ الأحد أغسطس 10, 2014 2:19 am | |
| تسلم استاذ عبد العزيز سرحاني
استمتعت بالنص وانا اقراه مرارا | |
|
عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
| | موضوع: تسمحي لي بهد الرقصة؟ الإثنين أغسطس 11, 2014 1:00 am | |
| الأستاذ الفاضل ربيع عامر الغيواني استمتعت بمروركم البهي شكري وامتناني | |
|
