أُمَّة كُلْهَا سْقَامْ بْقْلُوب صْلْبَة حْجْرْ. غزة تحت الركام ولكل عطى بالضهر. سْكْتْنَا وْدَرْنَا لْجَامْ حْتَى الصَّهْيُونِي ضْصْرْ. دْبَحْ وْقْتْل بْكْوَامْ وَلاَ مْنْ فِيِنَا هْضْرْ غَزَّة تَحْتْ الضْلاَمْ أُ وْلاَدْهَا فُوقْ الجْمْرْ أَجِنَّة وْسْطْ أَرْحَامْ الرْصَاصْ عْلِيهَا قْدْرْ. مَالْنَا صْرْنَا قْزَامْ وْحْنَا مْلْيَارْ وْكْثْرْ. دِينَّا مَاهُو صْيَامْ لْغْرُوبْ الشّْمْسْ وْفْطْرْ. وَلاَهُو سْجُودْ وْقْيَامْ وْلْسَانْ إِيبَاتْ يْدْكْرْ وَلاَ فْزْيَارْةْ مْقَامْ مُحَمّْدْ سِيدْ لْبْشْرْ . الدِّينْ عْمْقْ يَاخْوَانْ أوعَنْدُو قِيمَة كْبْرْ بْكْلاَمْ الله فْلْقْرَانْ وْالسُّنَّة فِيهَا خْبْرْ. إِكُونْ لْمْسْلْمْ فْعْوَانْ خُوهْ لْمْسْلْمْ لَنْضْرْ
مَاَشِي يْسْدْ لْوْدَانْ وَلاَ يْعْطِي بْضْهَرْ. لَحْنَا حْفَادْ عْثْمَانْ حْفَادْ الصْدِّيقْ بُو بْكْرْ. لاَزْمْ فْرْجَالْنَا تْبَانْ وْكْفَانَا ذْلْ وْصْبْرْ. لَكَانْ لْقُدْسْ يْتْهَانْ مِعْرَاجْ نْبِينَافْجْرْ. مْيْتْ مْيْتْ يَافْلانْ المُوتْ شْهَادَة خْيْرْ الجهوري ياسين
