لَخْصَامْ إلا َطَـالْ
*****
لَخْصَامْ إلاَ طَـالْ يعُود عْـدَاوَى
تَعْيَى مَاالدّارِيهْ وجَرْحُومَايدَّاوَى
يَحْصَدْالطّايَبْ واليَابسْ ولَخْضَرْ
ونَخْسَرْمعَاهْ لَحْبَابْ ونْزيدْالْخَاوَى
وَخَّى اتْقَاوَمْ خُبْثُويَنْفَذْ معَاهْ اصّبَـرْ
وفْكَفّتْ ميزَانُوالخَيرْوالشَّريَتْسَاوَى
****
هَكْــذا...
لَخْصَامْ إلاَ طَـالْ يعُود عْـدَاوَى
السّابَقْ فيهمْ بظُلْمُوعليكْ يشكي
وكُلْ وَاحَدْ منهُمْ بدْمُوعُو يَبكي
واشْ...
اتْحَاكَمْ الظّالَمْ،وَلاّتَنْصْفْ المظلوم
ولاّ اتْخَليِّ...
طُغْيَانْ لعنَادْ فَبْحَرهْوَاهُمْ يعُــومْ
*****
هكْــذَا...
لَخْصَـامْ إلاَطـَالْ يعُـودعْـدَاوَى
يَسْكَنْ لَقلُوبْ ويَسْقيـها السْمـُومْ
والعَشْرَة بنيرَانُو مُسْتَحيل الدّومْ
الدُّوبْ ضَحْكَة الفَرحْ فحْزانْ اللُّومْ
وثْمارْحَقْدُو يتَّجْنى يُومْ علَى يُومْ
*****َ
هكـْـذا...
لخْصَامْ إلاَطـالْ يعُــود عْـداوَى
يصَفّـقْ ليه إبليسْ ويَتْلَـفْ لحْسَـابْ
للْكُرهْ تَكْبَرْالرُّقعَة،ومايَبْقى صْـوابْ
تَعْمـَى مْعَاهْ لَـبْصَارْ،ويفَرّقْ لَحْبـَابْ
تَصبَحْ طْريقُه شُوكْ يضَويها لعذابْ
