عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
 | | موضوع: كنتسناك تكبري الأربعاء يناير 14, 2015 9:35 pm | |
| كنتسناك تكبري ويكبر معاك زهري يا زهرة ف مشموم غيري بحال الواد عمري كيرحل تابع بسمة طالب نسمة ناسي حالُه وحالُه منُه مْبَرِّي كنتسناك تكبري ويصغار صبري و نركب عل لفرحة المغرقة عمري حتى نتخنق ويتخنق الهوا اللي خلا زينك يزيد وحياتي تْسَرِّي كنتسناك تكبري باش نكولك تواحشتاك فين تعطلتي حتى تبدل لون شعري وتقوس ضهري فين تعطلتي حتى يبسات الدمعة ف قصتي حتى سالات فرحتي وشفتها مورايا نجمة بعيدة كَتَبْرِي كنتسناك تكبري باش نندم اللي تزاديت بكري كيف نداري زماني اللي دَرَّا نجومي ب لَمْداري زماني اللي فاش عيَى مني نساني وكحل جفاري ب خباري وخلاني بلا عنين كنشوفك و على خيالك كَنْبَرِّي كنتسناك تكبري وتخالطي سري وتْرَسِّي مرساك على بَرِّي ونسولك عْلِيَ ملي كنت دَرِّي ما كان ف قلبي ما نْخَبي ما كان ف عيني ما نْوَري نصبح نحلم بيك ونبات ف مجمر جمرُه من حرُه بقا بلا رماد مْعَرِّي كنتسناك تكبري ونشاركك التمر ونسقيك حليب و ب لون الحنة نهديك خواتم تَغْرِي كنتسناك تكبري و نْشُفْنِي ف عينيك كِشَفْتْنِي ف صغري وتنسايْ وتولفي وترضايْ وتولي ناري ومايا أرضي و سمايا وتْنَسِّيني ف الليالي اللي سهرت من بكري وأنا كنتسناك تكبري دجنبر14 | |
|
ربيع عامر الغيواني
أديب مميز
عدد الرسائل : 1461
تاريخ التسجيل : 27/12/2007
| | موضوع: رد: كنتسناك تكبري السبت يناير 17, 2015 2:23 pm | |
| زجلية من روح تحسن ترصيف المشاعر
تحياتي استاذ لسرحاني | |
|
عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
| | موضوع: رد: كنتسناك تكبري الأربعاء مايو 06, 2015 12:10 am | |
| | |
|
