عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
 | | موضوع: الغضبان الخميس يناير 15, 2015 11:54 pm | |
| آ...مالك غضبان ؟ كتعنا ب فنك كتعنا ب اسمك سحابك أنت اللي... سحابك غير أنت اللي... كاين اللي ... قبل ما تكون ولا تولي عقادي نفسك كرف من ضفاير اللباس اللي دايره حلاس باش يسترك فاش كتعري على قباحتك قدام اللي يسواك واللي حسن منك وخا تعيا ف كلامك ما تحلي آ...مالك زعفان ؟ ولا الزعفة ليك لغة وعنوان نسيتي آش كنت ولا عمرك ما كنت وشنو وليتي ؟ واش خليتي ؟ غير ريحت قيرك اللي رشيتي وزغيبات الريش اللي نفختي باش تطير وأنت ف قاع بير مدلي عامر خوا ما عارف تطلع ما قادر تعلي آ...مالك غضبان؟ كتعنا ب زينك كتعنا ب سنك وخلاك خاطرك تفوح وتفوح وبقا الزمان يروح ويروح وانت كتمضغ ف سمك وغارق ف همك ما قادر تزيد ماقادر تخلي حاصل ف غمك الناس ف الناس وانت ف كمك عايش تالف ما لاقي قبلة ما مصلي آ...مالك زعفان ؟ ما كتجيش معاك تبسم ...اضحك عركها سلام وبوسان اركب على خاطرك والفرحة معاك خليك زين و للمحبة عين خليك حاجة وشان وإلى جاك حالك وغلبك طبعك العيان غطي وتلي. شتنبر14 | |
|
