زجل

زجل ...

الرماد اللي ولدات النَّار
ف حجَرْ الغابة
عنَّكْ الريح
وقصد الواد
طامع ف روح جديدة
...
الجْوَادْ اللي رسماتهم المحبة
الغياب درَّكم ورا(ء) الصمت
داك الحرف خبَّرني
كتب إشارة
ف باب القصيدة
...
الحلم كان طُعْمْ
ف راس الكلمة
الجفا(ء) عماه
مزال ساقر
ف ركنة منِّي
...
بغيت نجرَّب
نَدِّي إفادة
تْعَلكْت ف روحي
لقيت إحساس
ف الدواخل غْرَبْ
شحال ثقيل الوهم
على صدر الحقيقة
...
السفَرْ اللي لَقَانِي بك
لقيتو ف الكْعَادْ
شاد الحيط
ك يرسم رحلة جديدة
ما عندهاش الحَدْ
...
عبدالعالي الوالي

رائع نظمك أستاذ عبد العالي و بايقاع جميل , تحياتي

سعيد بحضورك السي محمد محبات

سعدت بحضورك الاخت عائشة كل الود لك