الــــْــبــْــلــيـــَــة. *كلامي لْمول الشيشة وصحاب لكيف وحشيشة ودخان شْكالْ وْنْواعْ. *لِّي حاسب هادي معيشة ورجاه يْرَبِّي الريشة مع سم بغلاه يتباع. *عندي ليك سر يفشى وسرار خرى بلكمشة تشيب الراس يقراع. *كاين للي مريض فيه رعشة بطلوع الروح يتمشى ولگارو بين الصباع. *كاين للي عشاتو دشيشة الدخان رزاه فلمعيشة خْلاَّ لو وولادو جياع. *وللي ملكاتو الشيشة لصقاتو فنزوة وطيشة وبلاتو بها وطاع. *وشلا همومْ زَادْتْنَا رشا لقرقوبي هدنا فرمشة فضلامو ولادنا ضياع *لعقل بْسْمومو تْغْشَّى بشرورو عاد يتمشى هدم بلادنا وشاع *كاين للي قْتْلْ بُوهْ وْمْشَى ماتصابت يدو رعشة وجرايم كثر و بشاع *موضوعنا خاص لو فْرْشَة وْلْادنا ضاعو فرمشة لْمّْنْ تْشِيرْ الصباع *التعليم لولاد لباشا وإعلام سفيه وهشاشة وحْكُومَة قْصِيرْتْ الدْراعْ لمسكين كيف يتماشى فزمان عليه بطرشة مقاسي ويشكي بلانفاع . * الشايب لكبير داب ورشى والصغير عطى قفاه ومشى للغربة يقاسي وجاع *فحياتنا غابت لبشاشة فرج الهم يتلاشى ياللي لشر مناع. 2015
