عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
 | | موضوع: تشتت الشمل الثلاثاء ديسمبر 01, 2015 11:13 pm | |
| سورية والسما تشهد سورية والأرض تشهد وجبل الشر ما بغا يتهد الحبيبة سورية فين الولاد فين البنات فين الأمانة والوصية تشتت الشمل وكل ما حرث الجمل مشى ف الحدبة ولا ف الحافة من زهر الزرافة بقات ف الطولة ولاَّ ف الصُّولة يا كنس السطولة فين الولاد فين البنات نصهم مات ونصهم ف بلادات الناس كيتسنى الفتات ويرضى ب الهم وجبل الشر ولا بحر الدم الغضبة والنفخة والتاريخ القديم والجديد والدوخة على شعوب واكلة لانوخة تبات تشرب ف دلها وتقيل تشم مسكينة يا سورية تمحات حمص و ولات درعة منسية ما بقى غير التراب والدخان ولى ضباب وريحة العداب وصلت لدمشق الزينة اللي حروفها دبلات ب حموم البارود ودخان الغدر ودم الوليدات كلهم تدبحوا ب حكرة طوافة وما بقات غير الزرافة زرافة وحدة خوافة كتفطر ب الدم وتعشى ب الدم وتبات تحلم ب غابة خلابة كتعيش فيها هي غير هي وكان حيت سقات الشجر ب السم باش عمر الطير ما يعمر المكان و عمر ما يتشتت الدخان وصوت الحرب يعشش ف الادهان وتبقى الزرافة كتحلب الجيفة وتعيف ولادها وتعيف ابناتها اللي تجلاوْ مور الحدود ما خلات غير شي قرود كيضحكوها فاش كتهجرُ مع غروب الشمس ونسات نسات كل بهيمة لها نهار كيولي فيه الفيل فار كل بهيمة لها كزار وإلى داز نهارها و صار ما يتعاود ما يبقى ليه أثر. سر.أك.15 | |
|
