شْكُونْ بُويَا

شْكُونْ بُويَا
*****
يايَمّا قولي لي :
شْكـون أنا،وشكون بـُـويــا
اصْبَحتْ عَايَشْ وَحْدي مَقْهُور
نَخْجَلْ انْقُول مَاعَنْدي هَوِيَّة
وبين اصْحَابي انْحَسْ مَحْكُـورْ
تايَهْ فدَوَّامَة،مَفْقُودْ الأهْلِيَّة
*****
نَتْرَجَّاكْ يايَمَّا...
قولي لي:شكون بُويـا
كيف يكون يايَمَّا مَصيـري
وأنا بلا عُنوان،بلا هَـوِيّـة
من كَثْرَة التَّفْكِيراتْعَبْ ضَميري
هاذي غَلْطَة،بهاحْكَمْتِ عْليَّ
*****
نترجاك يايَمّا قولي لي:
شكون بويا،وشكون عمِّي
مليتْ يايَمَّا من هاذْ الكلمة
كل ما نكبر تزيد هْمُومـي
والليَّامْ غاديا وطْـْريقي ظلمة
*****
كيف يكون يايَمَّا المصيـر
وسط مُجتمع قاسي فَالنَّظــرة
مَسْجُونْ في عْذابْ الضَّميـر
انفذ صبري قَتْلَتْني الحَسْـرة
اصبحتْ أسِيـرْ فحيرة نَتألّـمْ
وشحال مانحكي ولاَمِنْ يَرْحَم
*****
نترجاك يايَمَّا قولي لي:
نفسْ السُّـؤالْ انرَدّدْ وانعيـدْ
شكون هُوَّبُويَا،وفِينْ يكـون
عذابي يايَمَّا كل يوم يزيـدْ
بغلطة تمْسَحْت من الكونْ
ضاعْ المستقبل،اصْبَحْ مَجْهُـول
قولي لي يا يَمَّا
أش انْدير...أش المعمـولْ
*****
بقلم :
شاعرة الغربة والحنين
عائشة رشدي أويس
إسبانيا

موضوع: موضوه هادف الإثنين ديسمبر 07, 2015 7:53 pm

اولا اختى هناك تغيير اجابى فى كتابتك قصيدة جميلة ورسالة زجلية هادفة المزيد من التالق

أستاذي الكريم المصطفى
أبهجني مرورك وزادني تشجيعا.
لك مني كل تقدير واحترام