aicha rochdi ouisse
عدد الرسائل : 244 العمر : 55 Localisation : اسبانيا تاريخ التسجيل : 11/02/2012
| موضوع: شْكُونْ بُويَا الأحد ديسمبر 06, 2015 11:24 pm | |
| شْكُونْ بُويَا ***** يايَمّا قولي لي : شْكـون أنا،وشكون بـُـويــا اصْبَحتْ عَايَشْ وَحْدي مَقْهُور نَخْجَلْ انْقُول مَاعَنْدي هَوِيَّة وبين اصْحَابي انْحَسْ مَحْكُـورْ تايَهْ فدَوَّامَة،مَفْقُودْ الأهْلِيَّة ***** نَتْرَجَّاكْ يايَمَّا... قولي لي:شكون بُويـا كيف يكون يايَمَّا مَصيـري وأنا بلا عُنوان،بلا هَـوِيّـة من كَثْرَة التَّفْكِيراتْعَبْ ضَميري هاذي غَلْطَة،بهاحْكَمْتِ عْليَّ ***** نترجاك يايَمّا قولي لي: شكون بويا،وشكون عمِّي مليتْ يايَمَّا من هاذْ الكلمة كل ما نكبر تزيد هْمُومـي والليَّامْ غاديا وطْـْريقي ظلمة ***** كيف يكون يايَمَّا المصيـر وسط مُجتمع قاسي فَالنَّظــرة مَسْجُونْ في عْذابْ الضَّميـر انفذ صبري قَتْلَتْني الحَسْـرة اصبحتْ أسِيـرْ فحيرة نَتألّـمْ وشحال مانحكي ولاَمِنْ يَرْحَم ***** نترجاك يايَمَّا قولي لي: نفسْ السُّـؤالْ انرَدّدْ وانعيـدْ شكون هُوَّبُويَا،وفِينْ يكـون عذابي يايَمَّا كل يوم يزيـدْ بغلطة تمْسَحْت من الكونْ ضاعْ المستقبل،اصْبَحْ مَجْهُـول قولي لي يا يَمَّا أش انْدير...أش المعمـولْ ***** بقلم : شاعرة الغربة والحنين عائشة رشدي أويس إسبانيا | |
|
زين المصطفى
عدد الرسائل : 228 العمر : 79 Localisation : مدينة الداخلة تاريخ التسجيل : 12/04/2012
| موضوع: موضوه هادف الإثنين ديسمبر 07, 2015 7:53 pm | |
| اولا اختى هناك تغيير اجابى فى كتابتك قصيدة جميلة ورسالة زجلية هادفة المزيد من التالق | |
|
aicha rochdi ouisse
عدد الرسائل : 244 العمر : 55 Localisation : اسبانيا تاريخ التسجيل : 11/02/2012
| موضوع: رد: شْكُونْ بُويَا الثلاثاء ديسمبر 08, 2015 7:23 pm | |
| أستاذي الكريم المصطفى أبهجني مرورك وزادني تشجيعا. لك مني كل تقدير واحترام | |
|