حتى لين،
[rtl]يد السعاية ترقص،[/rtl]
[rtl] بين خيوط بياض المنجَجْ،[/rtl]
طالبة راغبة،
عَطْفْ لَجْواد.؟؟ْ
حتى لين..
الشمتة تعزيني،
ف شْهادة ''بابا عيشور''،
اللي ف عز الخلوة،
داه الواد..؟؟
حتى لين..
لَخْصاصْ مْسميني،
دينار ف جْبينِي،
عشيري.. ولد لبلاد؟؟
حتى لين..
الخوف مْدفيني،
ركن وجوب ف 'ديني'
لابسْني قشًابة..
سِـــيــنــِي،
مْكملها بالعقاد..؟
حتى لين..
جَنْبِي مسكون،
ف قديدة مرهون،
مْسلٌح بِ مْجامَرْ ولْدونْ،
يتسنى الولاد..؟؟
حتى لين..
همي جارْ ذيلُ،
مْـقـلًـز ف قـليل ،
شادْ "حق الله" ف جْلَيْلُ ،
مْداوي الصًبْرُ بالرماد..؟؟
