[size=35]صدق الكلمة من لوق[/size][size=35]رْ[/size]
[size=35]و السكات من لغدر[/size][size=35]ْ[/size][size=35] [/size]
جاو يحاربوا الفساد
ومعزؔة لبلاد
من سرؔة لعباد
نمشيوا بعيد بلا عداد
و نجمعوا لكديدة
للأيؔام جديدة
و مع نقابة لتيم
نربحوا الرهؔان
و كأنؔ الفقر عمؔرو ما كان
و اللي عمؔر الطاقة يا ناس
فالوزارة دار بيت النعاس
للحبالة و النؔفاس
خدمة للمواطن و كل الناس
و شمبانيا بضريب الكاس
وا نوض ابويا من القبر
خليتني يتيم و صغير
مع قلوب لحجر
مع دياب لمكر
ما نعرف اش ندير
الصندوق منهوب
الصندوق مثقوب
واللؔي خواو الصنادق
سكتوا فينا اللسؔان الصادق
المحاسبة ما عندنا لاش؟
لا هناء لا معاش
اللي نهب مال الشعب و داه
لسويسرا او السويد و غلاض كفاه
و شكون زايد فيه
و شكون باقي معاه
لكن عندنا اكبر كراطة
قادرة تنظف مليون شكلاطة
منها غسؔالة ومنها عزؔافة
وا نوض ابويا من القبر
خليتني يتيم و صغير
مع قلوب لحجر
را دمي يسيح
و مول التسبيح
خداع صحيح
وا نوض يا بويا من لقبر
كبرتنا على حب البلاد
يزيد يكبر و يكثر
و أنا دمي يسيح
و هادو زادونا الأشباح و التماسيح
مجمؔعين على دريب الفال
مجمؔعين على برما بلا قفؔال
و كلامهم ما يفوؔر عليه طعام
لابنؔة لا ملحة لا ايدام
ودخانها خارج من الصندوق
ويذوب مع الخطبة فالبوق
شي لتحت
شي لفوق
و ها الانتخبات جات
هالخبيزة جات
ش باغي عجلة
شي باغي خروف ؟ ! ....
محمد الناجي
