بسم الله الرحمان الرحيم،
[rtl]ابغينا ولله الأمر[/rtl]
[rtl]
ابغينا الحضارة بجمالية الدين[/rtl]
[rtl]
ابغينا في الأرض ما يبقى مسكين[/rtl]
[rtl]
ابغينا للمسلم في الدنيا التمكين[/rtl]
[rtl]
ابغينا القارئ فينا هو من يكون زين.[/rtl]
ابغينا المسؤول ينزل للأرض
بغينا الربا تخرج من القرض
بغينا الطلب قل من العرض
بغينا المرأة تتوصل بالفرض.
.
بغينا السكن، الصحة و التعليم
بغينا يكون العيش ديالنا سليم
بغينا تعاطف الغبي و الحليم
بغينا العمل بجد و تصميم.
.
بغينا الاستقرار و البحث العلمي
بغينا المغربي ما يبقاش معمي
بغينا المدخن ما يلقى ما يكمي
بغينا الصلة بين الجار و عمي.
.
بغينا حرية التعبير و التنقل
بغينا التلميذ ما يعود ينقل
بغينا الشفافية تعم وتحصل
بغينا العدل بأمة محمد يحل.
.
بغينا الإصلاح يعم با لبلاد
بغينا الراحة و الهناء للعباد
بغينا نقسموا الخير و الزاد.
بغينا الخير ما يكون له نفاد.
.
بغينا الهوة تزول بين الفقير و الغني
بغينا نحاسبوا الفاسد،المضل و الزني
بغينا تسود المحبة و الأخوة ثاني
بغينا لسادتنا خدمة الوطن بتفاني.
..
بغينا الجنة برحمته لكل المسلمين
بغينا مغفرة الله تشملنا كاملين
بغينا يد في يد،كلنا مجموعين
بغينا الصفاء لكل السامعين.
.
بغينا نبينا القريشي و ديننا السامي
بغينا من يسمع كلامك و كلامي
بغينا للجميع الماء بارد و حامي
بغينا تتحقق أحلامك وأحلامي.
.
بغينا مغرب الغد نبنيه كلنا بجد للولد
بغينا فينا الصالح، يخدم، يعمل و يكد
بغينا الوطن شامخ، ندركوا به المجد
بغينا لكل منتخب يكون الوفاء بالعهد.
.
بغينا تكون الحقوق و تتأدى الواجبات
بغينا رجالا قوامين و نساءا صالحات
بغينا الوقار للكبار، و للصغار التضحيات
بغينا تنمية، فين تزيان كل الحالات.
بغينا شرع الله يكون لينا قانون
بغينا رقي دائم، بالمال و البنون
بغينا نعمروا الدنيا للحائر للمفتون
بغينا سنة الرسول هي المنهج تكون.
.
بغينا خصال العظام تطبع سلوكنا
بغينا نعيشوا أحرار و البال يتهنى
بغينا القدامة حيث فيها حضارتنا
بغينا الحداثة الى هي طبعا فادتنا.
ابغينا القراية لنا جميع غاية
بكتاب الله لي ولك هداية
وبمنتوج الإنسان الهناية
حضارتنا تعلو وبالله العناية.
الحسن العبد بن محمد الحياني.
