توئم روحي وارفيقت لعمر
عاشرت وحدة وزوج وأكثر
ابحالها مااعرف قلبي
ولا عيني امثلها انظر
رافقتني ف الفرحة
واساتني ف الضر
قلبها كبير اكبر لبحر
اللي جا ايعوم فيه
ويرتاح من حر الحر
إيمان تنازل عطاء الله أكبر
راضيا بالقليل
ما طالبا غير الستر
على وجهها نور لبدر
إيمانها لقوي وحب الله هو السر
هي صفحة بيضة
قلبها ربيعو اخضر
ربيع ما يشفوش إلا عديم النظر
هي لحبيبة امي الله يحفضها من كل شر
برفقتها أنا التكتب لي الزهر
حيث اشربت معاها من نفس النهر
نهر ماه صافي ما فيه اغدر
فراقها اصعيب اعليا لازمني الصبر
العشرة ماهي سهلة
عاشرتها ادهر
والعشرة ما تهون إلا على معمي لبصيرة ولبصر
سامحيني إلى يوم خطيت فيك بلا ما نشعر
قلبي يبغيك وعلى فراقك ما نقدر
لكن هذا هو حال الدنيا شي نازل شي راكب
والمحبة تبقى محفوضة بين الضلوع ف الصدر.
