السلام عليكم
عضو جديد في منتداكم ارجو ان استفيد و نستفيد ان شاء الله
انا اللــــــــــــــي
حب لخليلة راه فية مكـــــــــــوي
لا راحة فيه لاهو عليا يعفـــــــي
انا اللي حملت عشق لكتفـــــــــي
ولقيتو في ظهري زاد نسفـــــــي
انا اللي ولَيت حانت حلفـــــــــي
جنيت عليه بجهلي ووْلْفـــــــــي
انا اللي كنت سْبع في وقفـــــــي
هانا طحت كيف الديك النتفــــي
انا اللي كان الفرح وصفـــــــي
جف الدمع والدم زاد نزفـــــــي
انا اللي واكل الحب حرفــــــــي
جاني بهموم الضًر وتلفـــــــــي
واليوم هاني مرمي مكفـــــي
بغيت الموت مابغات سعفــــــي
مداوم الجرح ولا فيوم يكفـــــي
نلقى الراحة ويرتاح شغْفـــــــي
تمنيت الدكرى من البال تخفــــي
دكراها تحرق ضلعي و نصفي
الحزن والهم تعبي و سخفـــــي
هلالي فالسما حب خسفــــــــي
لغارة لله عليك مني تسرفـــــي
نعيش حياتي و نعود لسلفـــــي
اتمنى ان تعجبكم
