افريقيا بياض لعريس

افرقيا
خويدم ماتشبه لخدم
خويدم لاحسد لاسم
الخاطر متسع كلشي يتردم
زرعوها بالبرود وخرجت النجم
سميتها لالا ياقوتة
وتقاليدها كلها موروثة
ورثت يونس في الحوتة
الغربي فيها وهي مزموتة
كوني ألالا حبة حلاوة
كوني نخل تمرو سخاوة
كوني نسيم اللي شموا يتداوا
كوني في الجذبة بلا عصا بلا هراوا
كوني بوب مارلي في حضرة كناوا
كوني حجرة صفية تلمع بنقاوة
واندبي ندبي لوجه يبياض
واو طلقي بخور الحكرة في الرياض
واو نقي ماك ألالا من لخواض
واوسرحيه يمشي جداول واحواض
و مسحي عينيك من لعمش ليصيبهم لبياض
باش تولي لكراكة فحل وديكك بياض