زمان الزلط

عدد الرسائل : 8 تاريخ التسجيل : 05/02/2009

زمان الزلط علينا حط
بخزاينو وزرابيه
كنا محيط عدنا شط
والمنكر حضيه
الملفات مردومة
ولا كلمة فوق المعلومة
ردينا بالهم والهم ما رضى بينا
حرار فينا الكلام
الصلاة بالارقام
الزواج بالارقام
وحلم وخمم
على ما يدور العام
اضحك تحت الخط
ابكي تحت الخط
والمنازل اتصنط
والراس السخون يتشوط
قريتي كاع الناس قراو
لي ماتو ماتو
ولي بقاو تسطاو
نادي يا الفاهم
المنافق عالم
والجاهل حاكم
والدين علينا يتراكم
تعياي ماتغمزي يا العورة
شعبك هبيل
خاصو ثورة
تشعلو قنديل
ابات الزلط ما يصبح
وايبان الكدوب من الصح
ويسعد المجدوب ويفرح
يا زمان الزلط انا حر
والمسلم حر...
ولي جاب الشكفة يدي الجمر
والتاريخ شاهد ماكاين ماتنكر.

*****

الويل دق بابنا و دخل
والرجل المحزم هم وصقل
على المراة سلم ولاعب الطفل
ساقو الجيران الخبر وجابو الطبل
سهرو ليلية والعيلات تولول
اللي ما سبق تالى واللي تجلى يسول
ويا اللي ف القبر على حالنا اجي تطل
مدنا ماهي مدن وقرانا ما هي قرى
المسلم قالو ترهبن وليهودي يا زين الصورة
الموت رجع فن قلم ودواية وسبورة
والجهل منا تمكن حبالو علينا منشورة
الظلم يا والد القبور خفيتي الحق ف مطمورة
غير ابكي يا امي نورة على خراب الحضر والدشورة.

زائر

قصيدة مميزة اخي الزجال الخضير الصديق
تحية لنضالك الزجلي الدائم وللغتك الثائرة
مع مودتي
تحيات اسية الغيوانية

زائر

استمتعنا معك بهذا الثرف

كنت هنا شاسعا وبلون الحياة
مودتي

» زمان هدا واشمن زمان
» ملي كان زمان
» زمان
» زمان واش من زمان
» قالوا زمان