دمعي فياض

عدد الرسائل : 36 تاريخ التسجيل : 28/06/2009

دَمْعِي فِيَّاضْ وِيدَانْ تْسِيلْ
عَلِّي تْوَسَّدْ لبْرُودة فْظْلاَم الَّليلْ
وحِيدْ لْعَتْمَة لاَشَمْعَة تْضَوِّيهْ وَ لاَ قَنْدِيلْ

*****
عَلِّي حْنَا ظَهْرُو لزْمَانْ
هَشَّتْ عْظَامُو و طَيَّحْ السْنَانْ
كَبَّرْ ورَبَّى ..وسْهَرْ حتى لَبَّى
عَلَّمْ و قَرَّا ..و كْسَى وهُوَ تْعَرَّا
لاَفَرَّطْ يُومْ ..فْقُوتْ الصبْيَانْ
*****
عَلِّي بْنَى لْعُشْ
حَبَّة حَبَّة
رَمْشْ برَمْشْ
لاَ ذَاقْ طَعْمْ النُّومْ
وَلاَ بَرْدتْ لُو.. جْفَانْ
*****
عَلِّي وَكَّلْ وهُوَ.. جَاع
عَلِّي سَيَّلْ دَمْ الذْراعْ
ولْيُومْ مَرْمِي تَنْهَشْ جَلْدُو لرْكَانْ
*****
نْشُوفُو..مظْلُومْ..
نْشُوفُو.. محْرومْ..
نْشُوفُو..معْدُومْ فصَفْحَاتْ النِّسْيَان
*****
دَمْعِي فيَّاضْ عْلَى كُبَّة الشِّيبْ
لَّي كْبَرْ حْتَى بَانْ منُّو لْعَيْبْ
شَاخْ لَعْقَلْ منُّو و دْبَالْ
و السَّمْعْ علِيهْ تْقَالْ
مَا صَابْ منْ يهَزْ لُو بلْهْبَالْ
وِيقُولْ.. بُويَا لحْبِيبْ
*****
وعْدي عْلِيكْ يَا لْوَلْدْ ...
يَاللِّي لْكَبْدَة لحْنِينَة جرَحْتِيهَا
مَصِّيتِي دَمْهَا و رْمِيتِيها
خَوفِي ليَّامْ تْجْرَيكْ كِي جرِيتِيهَا
ولْقَلْبْ لْقاسِي لاَزمْ ..بْسمُّو يْطيبْ
ولقلب لقاسي لازم ..بسمو يطيب
الدار البيضاء في: 24 يونيو 2009

موضوع: رد الأحد يوليو 05, 2009 1:09 am

أخي عبد العزيز زكي

والله يا أخي لقد حاصرني النص بين سطور المضمون
لما له من صور شاعرية مؤثرة أثرت فيها موضوع شائك
وواقعي الحدث كثير ما نلامس هذه الحالات ....
( الله يسمح لنا من الوالدين )

شكرا لك ... تحيتي لك

عدد الرسائل : 36 تاريخ التسجيل : 28/06/2009

بنعيسى الحاجي كتب:: أخي عبد العزيز زكي

والله يا أخي لقد حاصرني النص بين سطور المضمون
لما له من صور شاعرية مؤثرة أثرت فيها موضوع شائك
وواقعي الحدث كثير ما نلامس هذه الحالات ....
( الله يسمح لنا من الوالدين )

شكرا لك ... تحيتي لك

الأخ بن عيسى أشكرك لتجاوبك مع هذه القصيدة المتواضعة ..فعلا الله يسمح لينا من الوالدين ...الانسان ما كايعرف بحقهم حتى كيفقدهم...شكرا على مرورك البهي أستاذ

» أكفكف دمعي