لْقَلْبْ وََاحْدْ و لَعْرُوقْ مْشَتْتَــــــــــــة
الدَّمْ بَارْدْ فِيهْ سْمُومْ سرْحَــــــــــــــاتْ
لاُمْ غَابْتْ و نَاضْتْ الكَسْــــــــــــــــرَة
لْرْكَابْ غَاصْتْ و لْخَاوَا تْفَرْقَــــــــــاتْ
يَاوَلْدْ لْمِّيمِة لِيكْ أَلْفْ حَسْــــــــــــــــرَة
تْقْطَعْ لْرْحَامْ...تْسْبي لعَيْـــــــــــــــلاتْ
خْرَبْت لْخَيْمَة ونْكَرْتِي لْعَشْـــــــــــــرَة
وتْعضْ لْيَدْ لِّي عْلِيكْ عَطْفَــــــــــــاتْ
عْلِيكْ سخْط لْجْدُودْ وجْبَالْ الصَّحْـــــرَا
عَدْتِ تْبيع فْرْمَالْهَا حَبَّـــــــــــــــــــاتْ
طْعَنْتِي لْمِّيمَة طَعْنَاتْ لغَــــــــــــــــدْرَة
وجِيتِي تُورَثْ ولاَدْهَا بْلْحْـيَـــــــــــــاة
بِاللَّه عْلِيكْ يَا قْلِيلْ لْقُـــــــــــــــــــدْرَة
كِيفكْ تجْحَدْ.. لْيُومْ لْقْبَايْلْ شَهْـــــــدَاتْ
منْ طَنْجَة لكْوِيرَة و السَّاقْيَة لْحَمْــــرَة
بْرْحِيلْ لْغَاشِي فْيومْهَا غْنَّــــــــــــــــاتْ
عْرَفْتْ بْلاَدِي منْ صُغْرِي حُــــــــــــرَّة
تَاريخْ تْرَابْهَا تْقْرَا لِيهْ صَفْحَــــــــــاتْ
وَقْفَتْ بْرْجَالْهَا فْ لُوجُوهْ صَخْـــــرَة
لاَ سَلْمَتْ ولاَ خَلْفَتْ فْ ظْهَرْهَا بْنَــاتْ
بْلاَدِي بْلاَدْ النَّخْلََة و الشَّجْـــــــــــــرَة
بْلاَدِي بْلاَدْ لْبْحُورْ ولْخَيْــــــــــــــرَاتْ
بْلاَدِي رُوحْهَا جَنَّة خَضْـــــــــــــــــرَة
مَازَالهَا تَعْطِي و شْحَالْ عْطَــــــــــاتْ
نْفْدِيكْ يَا بْلاَدِي بْ آخِرْ زَفْـــــــــــــرَة
منْ دمِّي نْسْقِيكْ لَوْ آخِرْ قَطْـــــــــرَاتَْ
[center]
