موضوع ج: حرب الطرقات

إخواني المبدعين اقترح عليكم موضوع جديد يتعلق بحوادث السير، نظرا لما نسمعه ونشاهده عبر وسائل الإعلام من إحصائيات خطيرة شبه يوميا لا تبشر بخير.. الله يحفظ الجميع.

حَرْبْ ٱلطرُقَاتْ

شحال قدك تسمع من كلام

اصوات قوية وشلا عبارات

كل واحد يجري غارق ف لوهام

شكون نجى من حرب الطرقات ؟

تقدر تقول حرب بلا سلاح

والسلاح ف قلة لعقل والتفكير

كل واحد همو فين طاح

الوذن تسمع والعقل طاير

لهداوة قطرة تسقى النبات

والسرعة الزايدة تشري الندامة

والندامة ما ترجع اللي فات

والصبر من سباب السلامة

---------
وإليكم تتمة الموضوع ...

يتعمد الراجلون نقل النقطة من القاف لوضعها على الفاء في علامة السير لإيقاظ السائقين من حماقاتهم
فتصبح

فق

يا السايكَـ الطوموبيل

الرزانه

كن تقيل

لا تـّـْهور

تعود هبيل

وتـّـْسبب ف لمشاكل

لا تـّـْجاوز

ولخط طويل

ف لفيراج

غير ب التاويل

ف لمدينه

دقه دقه

بلا كلاكصون

انتبه للراجل

ويّــأك جنون لبقر

توقف فين مّا والا

وتعرقل التسركيل

.....

آهي تا فـق

واحترم

قوانين الطريق

يهديك الله أشيفورْ الحومَه
بين يديك رواحْ الناس
نوصِّيك خذها مْني معْلومه
إياك إدّيك النعاسْ
نومَه وحْده تهْديك اللـّومَه
إياك ثم اياك الكاسْ
الكاس هشماتْ عْضومَه
راه الحديدْ شـْديدْ الباسْ
ألباسْ مايفرّق بين حْـنا وانتومَه
الدوَى إلى يْجيب النعاس
خلـِّيه..ألا يْخليك ف الكومَه
ظل الجَّارى ب قلب نحاسْ
تسبب ف كسايد أما تڭـول حْشومه؟
الراجل خبزو يجيبو من جوايَهْ فاس
سْفرأڭال لولادو ب السلامَه
ساعَه بالسرعه والوسواس الخناس
مشى فيها وخلى وْراه يْـتامه
خلىّ الدمْعه أوجعْ الراس
غدرهم الزمان أبْدا يحسَّنْ بْلا مَه

تهلا ف الحديد اجْعل الرْزانه ساسْ
راه الرزانه تـْفيد ما تخلـّفْ ندامه

في انتظار موضوع جديد، أقوم بجمع النصوص في نص واحد كما يلي:

حَرْبْ ٱلطرُقَاتْ

شحال قدك تسمع من كلام

اصوات قوية وشلا عبارات

كل واحد يجري غارق ف لوهام

شكون نجى من حرب الطرقات ؟

تقدر تقول حرب بلا سلاح

والسلاح ف قلة لعقل والتفكير

كل واحد همو فين طاح

الوذن تسمع والعقل طاير

لهداوة قطرة تسقى النبات

والسرعة الزايدة تشري الندامة

والندامة ما ترجع اللي فات

والصبر من سباب السلامة

*******(يس م جميل)********

فِقْ يا السايكَـ الطوموبيل

الرزانه وكن تقيل

لا تـّـْهور وتعود هبيل

وتـّـْسبب ف لمشاكل

لا تـّـْجاوز ولخط طويل

ف لفيراج غير ب التاويل

ف لمدينه دقه دقه

بلا كلاكصون وشوف الراجلين

ويّــاك جنون لبقر

توقف فين مّا والا وتعرقل التسركيل

آهي انت فيـق

واحترم قوانين الطريق

*******(نجيب أمين)*********

يهديك الله أشيفورْ الحومَه

بين يديك رواحْ الناس

نوصِّيك خذها مْني معْلومه

إياك إدّيك النعاسْ

نومَه وحْده تهْديك اللـّومَه

إياك ثم اياك الكاسْ

الكاس هشماتْ عْضومَه

راه الحديدْ شـْديدْ الباسْ

ألباسْ مايفرّق بين حْـنا وانتومَه

الدوَى إلى يْجيب النعاس

خلـِّيه..لا يْخليك ف الكومَه

ظل الجَّارى ب قلب نحاسْ

تسبب ف كسايد أما تڭـول حْشومه؟

الراجل خبزو يجيبو من جوايَهْ فاس

سْفرأڭال لولادو ب السلامَه

ساعَه بالسرعه والوسواس الخناس

مشى فيها وخلى وْراه يْـتامه

خلىّ الدمْعه أوجعْ الراس

غدرهم الزمان أبْدا يحسَّنْ بْلا مَه

تهلا ف الحديد اجْعل الرْزانه ساسْ

راه الرزانه تـْفيد ما تخلـّفْ ندامه

*******(زايد التجاني)*********

-----------------------

19 أكتوبر 2009/ الجامعة

زائر

السياقة ديال اليوم

بنادم هد الوقت كلشي مزروب
هدا حال السياقة فهد البلاد زناقي و دروب
صداع السيارات و الشاحنات عندنا ما منو هروب
كثروا لكسايد اوماتوا نساء ورجال تحسرت عليهم شلا قلوب
السياقة بتهور و القانون خديناه بالمقلوب
الاسبقية لشاحنات و الرشوة موجودة في لجيوب
الراجلين او بشكليطات الضايات ماءهم عليهم مسكوب
ها للي ينجى و ها للي يفزك او الاخر في السبيطار معطوب

هدي حكاية شاب صغير على دراجة نارية
فعمرو 12 العام او زاد عليها شي شوية
غادي في الطريق و بغا يبان غمزاتو واحد البنية
دار بلاما يشوف القدام درباتو شاحنة برانية
جا ضهرو على الطروطوار تهرس من السلسول و شد الركنية
صبح ناعس في السبيطار و يعيط شكون سبابي غير واليدية
ولى يطلب الموت في الصباح قبل العشية
الدري باقي صغير و صبح قانع من الدنيا
و شكون سبابو في هد الحياة غير قلت التربية
الناس خادت بيرميات غير بالرشوة و الزبونية
كيف بغاوهم يحتارمو الطرقات او ما يعرفو لا بلايك لا اسبقية
معولين على لوريقات الزرقة و القرفية
نساو راه غا يديروا وليدات و يكونوا حتى هم ضحية
شلا ما نغيروا في هد البلاد الى بغينا نحسنوا الوضعية
نبداو بتربية الولاد او من عند الله تكون الهدية
نديرو بعدا السباب و الكمال عند مول البرية

رحال اودغوغ

» حرب الطرقات
» حول حرب الطرقات : طويل و ما ليه خيال
» شفتني
» من جذور الهم:"الشيطان"
» سرّ همي