البارح حطيت لقلام
البارح حطيت لقلام
او قلت باركا من هد لكلام
لكن اليوم زاد الالام
ما بقيت نشوف نور ما كين غير الظلام
هزيت عيني لربي و قلت اش هد لحكام
انا غادي اللور و نقول غادي للقدام
ليوم زاد الالام وشحال كثر د لكلام لازم نحمل لقلام
لازم نكتب على معنات هد المجتمع و الناس
لازم نكتب على واحد ميت بقرطاس
لازم نكتب على لغريب للي دخل لبلادنا لفلاس
لازم نكتب علاش للي ما يجيني في الليل النعاس
لازم نكتب على داك الطفل المشرد في البرد و ماعندو لباس
لازم نكتب على للي يظلم المسكين او هو ما عندو احساس
لازم نكتب راه قلبي اليوم فاض او فات لقياس
اليوم ما بقيت غنحط لقلام لازم نكتب او نكتب راه زاد عليا الصداع في الراس
غنكتب على هد لفساد
غنكتب على هد لبلاد
غنكتب على لبنات للي ضاعوا و على لولاد
غنكتب على التربية و الاقتصاد
غنكتب على للي بغى يهجر لوطان
غنكتب علاش للي كيخاطر بروحو فالبحر حتى تاكلوا الحيتان
غنكتب على اللي مسجون ظلم في حبس بين اربع حيطان
غنكتب على كل راجل مزيان
غنكتب على كل من هو في صيفة ادام وهو شيطان
غنكت على كل من هو انس و ساكنو جان
غنكتب على الطيور و الحيوان
غنكتب على الظلم و الطغيان
غنكتب على التمرد و العصيان
غنكتب على لقلوب للي قساحت و ما بقى فيها حنان
غنكتب على التفرقة اللي صبحت بين الاخوان
غنكتب على كثرت الاديان
انا ما غنكتب على شبابي للي ضاع في دوك الطرقان
لكن غنكتب على انحراف هد الشبان
غنكتب واخا كلامي كيعطب كل انسان
غنكتب حتى يقطعوا ليا الصبعان
تم نخرج و نقول بكل لهجة و لسان
اش هد الظلم اش هد الحقرة يا ولاد بونا ادام
غير خودوا عمري الى بغيتوا تتهناو من هد لكلام
راه لازم ما تطلع شمس الحق و يزول الظلام
او غد عند الله يكون الحكام
رحال اودغوغ
