[size=18]
صبر يا قلبي صبر دابا يفرج العالي
مهما ليام تغدر مهما يتكدر حالي
لازم يطلع الفجر وتزول الغمة تسالي
الشمس مللي تهجر تشرق فاليوم التالي
الضلم ايزول بقدر الجديد ايزيح البالي
حنيت لزمان غبر وهجر لثلت الخالي
زمان كنتي تعثر بكتاف الرجال مكالي
عضمك لكسير يجبر وناسك تفديك بالغالي
زمان حشمة ووقر قليل الزلة والردالي
واليوم عمى لبصر ضلامو سود ليالي
اليوم الطبع خسر كل مايؤديك يحلى لي
ولليت عليك نسر متربص بيك نبالي
نتمنى ليك الشر وناصب ليك حبالي
بالباطل فيك نهدر مسخر شين فعالي
نعطيك الضحك صفر ونسبل ليك جفالي
نعطيك طلقة لصدر كتؤمن لي وتوالي
لبارح كان خير كنضرب بيه مثالي
كان حسن المعشر يازمان عليك سوالي
كان المعطى فالسر كان مالك هو مالي
كنت بجاري نفخر فغيابي يكون بدالي
الصاحب كان ضهر عليه تخفاف ثقالي
اوكان مللي نعسر باللمة تزول وحالي
كل من غايب يحضر كانت يدنا بيد العالي
زمان الخالي يعمر ببركة الرب الولي
زمان بخصيل بشر فجنة سرح خيالي
اللسان اليوم خضر اوخايض فيك ايلالي
السم منو يقطر شيطانو ليه موالي
ميسور فيك نهبر فيك خويا فيك خوالي
جيبك يخوى نعبر ونكلم فيك متعالي
هادي صور تهدر واقع مكسي بقوالي
جيلنا مصيرو للقبر يسلم روحو للعالي
ولادنا مصيرها تكبر تشرب ملكاس الحالي
غير بللي تقدر بسم الله دير بحالي
بالنقطة الكاس يعمر بنتا ونا ومثالي
ايعم الخير يخمر ويرجع من الثلت الخالي
