قصيدة مشتركة .. لَمْرَا

قصيدة مشتركة:

لَمْـــرَا

كيفْ مّا كان أنتِ محْبوبا
أنتِ الباسي ووْناسي
وأنت سعْدي ومكتوبي والمكْتوبا
أنت شواري ف جْلاسي
ب شورْتكْ وريّكْ مطلوبا
أنت رسْمالي وساسي
أنت عيني وانت الاعجوبة
ابلا بيك كيف إكون راسي
وانت أمانا عليا محسوبا
الغالطْ للي إعيش رَواسي
حياتو عادْما معطوبا
أنت مراتي وكياني وإحساسي
الدار ب غيبتكْ منكوبا
أنت طبيبي ف بَاسي
والعيشة بلاكْ مسلوبا
أنت عماما فوق راسي
نذكركْ نوبا نوبا
ف ذاتي حبك أساسي
وفْ مراسمي ومرسم قلبي محجوبا
-------------------
البوعليوي عبد السلام

* * * *

الرجل

مراتي
ماتسحاش
ماتعياش
ملّي تفيق
جيب جيب
أر أر
خاصّ خاصّ

لمرا

عييت
ب لحساب
ما نخرج
ما نشوف
حباب

الرّجل

لحساب
أولاّ
ندير يديّ
ف الجياب
ونولّي
شفّار
وكذاب
ولقضيه
تخياب

لمرا

بالصح
لعمده عليّ
حسن التدبير
فيه لبركه
والتيسير
لفلس
واخا يقلال
غير يكون
حـــــــــلال
عليّ
بالصبر
واخّا ندبال
----------
نجيب أمين

* * * *

لخليلة و يا لخليلة

شحال و انا عايش
فهد الدنيا من
ليلة و يوم

و شحال سهرت
الليالي و عيني
ما شافت نوم

و شحال من خليلة
و خليلة خلات حياتي
كلها هموم

اللي نحبها نقول هدي
هي حياتي يجي الريح
يديها او نبقى انا مغموم

نحكي لها قصة
حياتي و شحال
انا مظلوم

هي غير كتضحك
عليا و انا بيها
مغروم

نبات عاس عليها
مفرش الضرك
ومغطي بالدوم

و شحال من ليالي
الناس ناعسة وانا
كنعد في النجوم

المرا ضلعة عوجة
ما يقد يدريسيها حد
في هد الزمان

غير عمل ليها
خاطرها الى بغيتي
تعيش فامان

سمع كلامها ولا
الدير بيه .. وعنداك
يغرك شي انسان

راه يزيدك لعافيتها
و هي ساكنها
شيطان

يبقا يوز عليك
و يغر فيك
بحلاوة اللسان

حتى تعاديها
و تهجرها و تخلي
ليه لمكان

تم يجي عندها و يقول
انتي حياتي
و انتي ودادي

بيك بغيت نكمل ديني
او معاك يكونوا
اولادي

بالليل نتونس بيك
و تكوني سريري
و سنادي

او بالنهار انا نخدم
عليك او في المسا
انتي هي وسادي

هدا هو اللي ضحك عليا
و سمع اش يقول
لمحررات بلادي

سمع بي كلامها وعطاها
حلاوة اللسان
وخلاها باسم كتنادي

الى بغيتي تعيش
اليوم سعيد سمع
كلام لمرا اوعطيها
كلمة زينة
لتقلع اوتادك و اوتادي
--------------
رحال اودغوغ

* * * *

المْـرا يا ناسْ فيها وفيها
فيها بنت الناسْ
فيها الحادڭه ب الشهيواتْ تبغيها
فيها المعڭازه ..تحب النعاسْ
فيها لي تـْعينك بْ دينها
فيها لي غي طيـَّب الراس
فيها المسْرارَه..ربِّي يحْـضيها
فيها مولاة الوسواس الخناسْ
فيها الحـْنينه، تعزها ما تـقدْ عليها
فيها لي ترفسك ترْفاس
فيها المتبرْجه تعـيىَ ما تنهيها
فيها لي ما تكرهْ الكاسْ
فيها الملـْحاحه تعْـيى ما ترْضيها
هادي المّاعنْ.. أهداك لـْباس
فيها المْـرزنه .. تحطك فْ عينها
فيها المفلسه لي تحب الدْحاسْ
فيها الزينْ..لا يغرك زينها
تعذبْ فيك .. طحنكْ بَ ضـْراس
المرا يا ناس فيها وفيها
غير شي من الطوبْ أشي نحاسْ
----------------
زايد التجاني

* * * *

لَمْـرَا قالـوا أصْلهَا مَـنْ الضْلـــــوعْ
والكبـدة بيـن الضلـــوع ضاويـــــة
وَخـا تظـل من هَـمْ العشرة مخلـوع
العيشـة بــلا مْـرَا طريقهــا خاويــة

ربــي زرع لمحبـــة فـي لقلـــــوب
وزاد ف قلبهــا شــلا سْخـا وْحنــان
لمـرا فيهـا حريـر صافــي وثـــوب
والنوارة الحرة نسيمها فات الجنـان

لمــــرا ستــرة تغطـــي لعيــــــوب
ووردة مفتحـــة تتقاســم لهمـــــــوم
شـوكها يقــدر يخليــك معطــــــوب
شـوك .. إمـا شافــي وإمـا مسمـوم
-----------
ياسين مصطفى جميل

فكرة رائعة سي ياسين هنا نطل على أصوات متعددة في النص الواحد

شكرا لك

مشرف عدد الرسائل : 1048 تاريخ التسجيل : 26/05/2007

موضوع واحد بأصوات الجامعيين

جمع مجموعة من الخصائص الابداعية
دمتم على كلمة واحدة أيها الأحرار

» لبيك فلسطين قصيدة مشتركة فاطمة ناعوت مالكة عسال محمد ناصر
» للمشاركة في أضمومة زجلية مشتركة
» للمشاركة في مجموعة قصصية مشتركة جديدة
» عـرش الأسلاف
» قصيدة بمئة قصيدة