وردة و قردة

زرعتك وردة
و تخيرت في الجنان
قلت لقيت الفردة
وزيان القفطان
حطيتك تاج...
ما حلم بيه سلطان
مصوع من العاج
صانعو فنان
***
فضلتك على عيني
غطيتك بالجفان
حسبتك قطعة مني
سكرة فوق اللسان
***
ولقيتك قردة
دايعة في فدان
شعرها طاح بالحكان
دايخ ليها لمجاج
عامياها صفوريت البنان
***
صرتي منزلة عجاج
ما بقى معاك امان
قلت لقيتي حسن مني
قلت نسيتي للي كان
ومشيتي فرحانا تغني
وضحكتي فيا العديان
***
ليام دايرة كتدور
وحق للي خلق الزمان
وخلى حلق المظلوم بور
حتى يدفع الظالم الثمن