عكوب الليل....

موضوع: عكوب الليل.... الجمعة ديسمبر 04, 2009 1:22 pm

عْگُوبْ اللِّيلْ

فْرَحْ عْگُوبْ لِيلِي
وسْعَدْ رْگَادِي
وضَحْكَتْ رْگِيگَةْ لُوشَامْ
فْحْضُنْ مْجَبَّدْ مْكَمَّدْ
فْفْرَاشْ بْرَّانِي

تْعَلَّمْتْ مَنْ دْرَاعَكْ
وشْوَارَكْ
فَيَّقْ شْوَارِي
الْمَغْرُوسْ فْجْنَانْ مْحَانِي

شْرَبْتْ مَنْ كَاسَكْ
وَاسَانِي
فْلَبْعَادْ ولُقْرَابْ
وثُوبْ الْوَقْتْ
عَلْ لَغْدَرْ مَا غَطَّانِي

سَرْتْ نْقَلَّبْ عْلَى خَطْوَاتَكْ
فْمْرِيرَة عَوْجَة
فْدْرُوبْ نَاعْسَة
فْعْقُولْ تَايْهَة
لْگِيتْ خْيَالَكْ يَبْكِي عْلَى خْيَالِي
بْدْمُوعْ بَكَّانِي

رْگَدْتْ فْغَفْلَة سَاهْيَة
فْگَرْبَةْ گَرَّابْ عَطْشَانَة
فْيُومْ شَمْسُو غَطَّاتْهَا
فْعَالْ حَگَّارَة
حَرْگَتْ ازْهَارْ جْنَانِي

كْتَبْتْ بْرَيَّة عْلَى زِيفْ
خْفِيفْ
وخَفَّةْ اوْزَانُو
مَا قْرَاتْ جْوَابِي
بْالْحَرْفْ الْمَكْتوبْ
والْمْقَدَّرْ
شَافْتُو عَيْنِي الْبَارَحْ
فْزِيفْ عَدْيَانِي

غْلَبْتْ نَفْسِي فْرْمَادْ عْوَافِيكْ
ونَارْهَا مَا دَّفِيكْ
نْخَافْ عْلِيكْ
منْ رِيحْ مَشْرَارَة
مَنْ ضُرْ عَرْيَانْ
وضُرِّي عَرَّانِي

بِينْ شْوَارْ حَسِّي
وكْلامْ نفْسِي
تْسَلَّلْ
خَيْطْ الرُّوحْ
مْغَلْغَلْ
مْكَبَّلْ
بْكْبَالْ مَمْلُوكْ

بْجْنُونْ الْوَقْتْ
وعْگَزْ لِيَّامْ
رَاجَلْ شِيبَانِي

الْعَيْنْ نْزَاهَة
والنْزَاهَة مَخْلُوعَة
مَنْ الشُّوفَة
الْعَيْنْ خْمَاسِيَة
بَارُودْهَا مْسَتَّفْ فْجْعَابْهَا
مَحْسَادْ مَغْيَارْ
عَيْنِي هَرْبَتْ عْلِيهَا
غَطَّاوْهَا حَجْبَانِي.

موضوع: عكوب الليل الجمعة ديسمبر 04, 2009 11:34 pm

الاخ الكريم محمد مومر
تمتعت بعدة لقطات شاعرية جميلة تمتح من دارجتنا الأصيلة وتغرف في نفس الوقت من الدارجة الحديثة ، فاحسستك تكد لخلق لغة تعترف بجدورنا وبأغصاننا في آن واحد . إنه المسعى الجميل الموعود الذي نتمناه جميعا حتى لا يتهمنا أحد بالإغراق في المحلية أو الإنحياز للغة الحضر .وأظن ، أن مثل هذا المنتدى الجدي يسهل تطور التواصل لردم الفوارق وبناء لغة جديدة منشودة .
لك كل التقدير و الإعجاب .
الميلودي العياشي

الزميل محمد مومر

كلما مررت على نص من نصوصك إلا واستوقفتني دهشته الممتعة
تحياتي

زائر

اخي السي محمد مومر دمت متالقا في كتاباتك، دائما تستوقفني معانيك العميقة الدلالات ، نصوص زجلية جميلة ، تحياتي و مودتي
اختك مليكة

لكم مني احلى سلام

شكرا على مداخلاتكم القيمة فبها يسمو الزجل ويحيا...

تحياتي
محمد مومر

» عكوب ليلي
» سحت الليل
» صوت الليل
» طْلوعْ اللّيلْ
» نزيف وحي الليل..