الحب الفشل
علاش تهدمي البيت اللي بنينا
نسيت اليوم اللي فيه تلاقينا
نكساب غير قليب هديتوا ليك
ساقني الريح وغرتني كلمة كنبغيك
حلفت تصوني حبي على الدوام
حكمت عليه يموت بالاعدام
اللي تمنيتوا فيك ارجع عندي بالمقلوب
كنت نفتاخر ونقول انا المحبوب
الحيط اللي ساسو من التبن
واللي مدفون فوق الارض بلا كفن
يا قلبي وانا سبابك في الكية
لوكان غير شاورتك ندير مزية
نلومك ياراسي وما نلوم الغير
واش مكسور الجناح يفرفر ويطير
فشلت فحياتي وتمحنت كثير
الحب اللي اخترتوا ما بقاش يغير
من الصعب نفتح صفحة جديدة
نبدا ايام وتكون سعيدة
بعد العشرة تخليني عايش وحداني
وبيديك كتبت اسمي وعنواني
ابلا سبة عدبتيني وما بقيت تهويني
شوف لكلام المعسول فين رماني
نبقاوا على العهد عايشين بحب رباني
وانا مازال حي ميت نعاني
الهم كثير والتعبير غاب على لساني
هاانا وسط الناس نخمم مكواني
لابد يريب ويطيح فوق الباني
يزيد يصبر حالوا كحالي بكاني
حتى واحد مالقيتوا يحسن عواني
ترتاح ونرتاح واللي كواك راه كواني
تخليت على الجوهر والمظهر غواني
واللي فاهم يفهم غير بالمعاني
كنت شمعة ضاوية والحب طفاني
علمني دروس وعلى الصبر رباني
نكتب حروف وننسى اللي نساني
واللي جرب الحب شحال وصاني
