سعيد محمودي
عدد الرسائل : 14
تاريخ التسجيل : 29/11/2009
 | | موضوع: إمتى الضو يبان الخميس ديسمبر 10, 2009 8:45 pm | |
|
إمتى الضو يبان؟
لله يا عالم الأحوال
القلب تألم وطرح سؤال
لمن نشكي همي لطال ؟
لمن نحكي ضيق الحال ؟
مضيوم ما مرتاح البال
ضحكتي هربت مدة وشحال
سعدي تركني عليا مال
صبرت و صبري قلال
النوم من عينيا زال
تلفت يمين تلفت شمال
لا حنين لا عزيز عليا يسال
فين صدقهم فين الأفعال
وحيد الكل عليا عوال
هاز من الهموم جبال
الضيق و الغـلب مني نال
دنيا غدرات و قل المال
هزيت حتى عييت و الحمل تقال
نهز رجل و رجل في الأوحال
يتشفاو فيا كلا واش قال
و لاجواب لقيت ليه سؤال
واش يتغير الوضع و لا محال؟
لمن نشكي همي لطال
لمن نحكي ضيق الحال
لا من يكّول يكون في العوان
هزيت عيني ناجيت الرحمان
يا رحيم عليك عوال
تفاجيها و الضو يبان
سعيد محمودي
| |
|
الزهرة درار
مشرف
عدد الرسائل : 1048
تاريخ التسجيل : 26/05/2007
| | موضوع: رد: إمتى الضو يبان الإثنين ديسمبر 14, 2009 2:28 am | |
| هذا النص رغم حزنه ففيه متعة الكلمات
مودتي | |
|
سعيد محمودي
عدد الرسائل : 14
تاريخ التسجيل : 29/11/2009
| | موضوع: شكر الثلاثاء ديسمبر 15, 2009 11:25 pm | |
| - الزهرة درار كتب:
- هذا النص رغم حزنه ففيه متعة الكلمات
مودتي
شكرا لك أستاذتي على القراءة و الرد
مودتي
سعيد محمودي | |
|
