وقت الحزة

موضوع: وقت الحزة الثلاثاء ديسمبر 15, 2009 12:46 pm

[size=24

]وَقْتْ الْحَزَّة

الْمَا عَطْشَانْ
فْزْمَانْ اللَّكْحَة
لَبْحَرْ مَالَحْ
الْوَادْ وَاكَحْ
والشَّمْسْ تَضْحَكْ
عَلْ الْيَابَسْ اللِّي رْشَا

ضْلُوعْ الرِّيحْ
مَشْگَتْ
بْلَحْفَا
مَا كْسَاهَا ظَلْ
ولا طَلْ

ولا نْدَى ضَايْعْ
ومَا رَشْهَا رَشَّة

الْبَيْضَة بَاعَتْ مَحْهَا
للْجّْبِِيرَة
تْجَبَّرْ شْقُوفْهَا
مَنْ هُرْسَةْ الدّْوَامْ
مَنْ عُشّْ غْرِيبْ
مَا خَشّْهَا خَشَّة

الدَّمْعَة الْحُرَّة
مَا فَاجَاتْ اهْوَالْ مَضْيُومَة
عَامَتْ فْدْمُوعْ زَفْرَة
مَا تَعْرَفْ لَگْلُوبْ الْمَهْمُومَة
وحَيْكْ لِيَّامْ
شَدّْ عْبَارُو
عْلَى ذَاتْ هَازَاهَا الرَّعْشَة
حْزَامْ مْشَرْوَطْ
تَحْزِيمْتُو
طْرَشْهَا ضِيمْ مَضْيُومْ
جْنَابْ الْحَيْطْ الْمَرْدُومْ
تْرَابو تْوَحَّشْ مْوَالِيهْ
تْوَحَّشْ النّْوَالَة
وخْيَالْ الجْدُودْ سَتْرَة
فْمَنْزَهْ ولا عُشَّة

رْكَاكَبْ الْخَيْلْ صَدَّاتْ
فْسْرُوجْ مَنْسِيَّة
عْيَاتْ بْرْكُوبْ لَفْضُولْ
بْرْزُزْ مْلْويَّة بْلَغْدَرْ
ومْحَارَكْ غَضْبَانَة
وعَلافَّة مَثْقُوبَة
شْعِيرْهَا صَوَّفْ فْلْخَنْشَة

هَرْبَتْ الْكَلْمَة الْمُوزُونَة
عْلَى گَدِّيدْ لَكْلامْ
مَخْزُونَة
شَمَّتْ رِيحتُو
فْبْطَايْنْ مَنْتُوفَة
مَنْشُورَة
عْلَى سُورْ بَكْرِي
تْعَرَّاتْ احْجَارو
وقْوَافِي لْيُومْ بْالْكُمْشَة

لَبْرَا عَنّْگَتْ الْمَخْيَطْ
وبْكَاتْ مْعَاهْ
شْكَاتْ عْلِيهْ
بْغُرْبَة لَخْيُوطْ
بْالْوَانْ مَفْطُومَة
تْوَحْشَتْ صْبَاعْ الْحَادْگَة
الْحَنَّة بَلْدِيَة
فْزْلافَة
عْرِيسْهَا طَالَبْ
عْلَى شَمْعَةْ التَّخْرِيجَة
تْعَشَّى

الدّْرَاعْ الْمَصْقُولْ بْزِينُو
بَاعْ شْمَارُو
فْوَقْتْ الْحَزَّة
ولَعْگَزْ رْمَاهْ عْلَى كْتَافُو
يتْبَاهَى بِيهْ
فْرَحْبَةْ الْمْعَاگِيزْ
عْلَى خْيَالُو يَتْمَشَّى.

[/size]

الأخ العزيز السي محمد مومر نص بنفس النكهة عبر الحرف الدارجي الأصيل الذي يبحر بنا في صور شعرية معتقة لا يخفى عليها حال لحال...إحترامي وتقديري

أخي الزجال محمد مومر

مررت من هنا فاستوقفتني حروف هذه الزجلية الرائعة وسبحت مع معانيها في بحر القصيد.
دمت زجالا متألقا ودام لك حب اصطياد المعاني الهادفة.

تحياتي

مشرف عدد الرسائل : 1048 تاريخ التسجيل : 26/05/2007

أنت توافق بين النص والايقاع الداخلي

تحياتي

عدد الرسائل : 21 تاريخ التسجيل : 05/09/2008

أخي الزجال المبدع محمد مومر دائما تتحفني بقصائدك الجميلة دمت متألقا

شاعر عدد الرسائل : 626 تاريخ التسجيل : 24/05/2007

شكرا لسي محمد مومر على هذا النص الباذخ

تحياتي

[size=

24]الاخوة الاعزاء شكرا جزيلا على مروركم البهي
مع كل التقدير والاحترام
مودتي[/size]

» وقت الحزة....