يونس مصطفى جميل
عدد الرسائل : 39
العمر : 41
تاريخ التسجيل : 23/03/2009
 | | موضوع: مازال بلادي تولد الحمام الخميس يناير 28, 2010 4:16 pm | |
| بلا تفكير بلا تخمام
عمرنا ما نزيدو للقدام
و احنا فينا رجال فيهم جنون
العظمة.
رايهم هو الصحيح كتباتو قلام
و للي يهدر فيهم مزيان حقو لو لحلام
وهمشو الشباب النقي وزادوا حتى
العلما.
ما زال بلادي تولد الحمام
يطير في سمانا يقول سلام
ماشي كي النعامة.
الحر يبقى حر على الدوام
مهما قسات الظروف و ليام
ماشي من السوامة.
للي باعو شرفنا هادي عوام
و يضحكوا في وجه لقوام
بلا ندامة.
يا ويل من كحل من تراب الحرام
وعلق صورتو في سلس الظلام
يلعب الضامة.
ونسى اش يدخل لكرشو من طعام
وولاد جايعة عايشة عيشة الاسقام
كلهم يتامة.
سمحو لي اذا كثرت من لكلام
مهما قلنا نبقاوغير من لعوام
بلا فهامة. | |
|
أسماء محمد
إدارة عامة
عدد الرسائل : 2070
تاريخ التسجيل : 23/01/2008
| | موضوع: رد: مازال بلادي تولد الحمام الجمعة يناير 29, 2010 10:12 pm | |
| محاولة زجلية إذا تابعت ستتوفق في يوم ما
تحياتي | |
|
