هوى بلادي

هوى بلادي

لهوى فيه و فيه ...
فيه للي يبرد جّلد ...
صْبرْ ليه يْدوز
و فيه للي يبرد القلب ...
قْطع عرق و سيّح همُّو
و فيه للي يجيبك ملثم ف تلاثة د الليل
ل بلادك لملثمة ب همومي و همومك
ديك للي صغيرها كبر
صبح للجهل والظلم متنكر
حرق كبة صبر
لبس سلهام الجهر
َعرَّا ما غَطَّا الليل ف السر
فضح كل ما ستر
ما تبلعات ليهش يام لغدر
جلدو باقي كَيدَّكَّر
سْواقي لْعْصا وْحْفَاِري ُّضْر
أنا هو داك صغير اللي كبر
وقرر ف يوم يْتْقَيَّا ف جُوفْ دُوك ال...
باش يدوقو مْرورة صبر
على وجه بلادي ...
ب سناني نحفر
ساس كل متجبر
نسل عروقو من جدر
باش تعيش كل مْراَ
عنوان العطاء وصبر...
الحنان الدايم
و اللسان الذاكر
وخا نتألم
وخا نتعثر
سلاحي صبر
همي نَّقِّي طْريق من الشوك ولحجر
لبلادي
لولادي
ولكل متضرر
من هوى بلادي نتعلم
النْقَا
ونكران الذات
ماهمني نتألم
غادي نتعلم الجود والكرم
يدي ف يدك يا ولد بلادي
نحْيِيو مجادك ومجادي
ولا تسال على الوسيلة...
انتَ ذْكي ما تعدم حيلة

______________

الأخ محمد فكري
أشكر تواصلك
وكلماتك المختزلة

الأخت الزهرة درار
تعطرين المكان برياحين كلماتك
أشكر تواجدك هنا أختي