رحلة زجلية ... غادي نزور صحابي

موضوع: رد الأربعاء يوليو 14, 2010 11:19 am

غـــادي نزور صحابـي
عشـاق الحـرف
الزجاليـن

رحلة زجلية ... غادي نزور صحابي - صفحة 3 366754798

سيدي بنـــــــور
رحلـََـه
14

وف طريقي لسيدي بنور
متـّعـت بالشوف عينيَ
مغربنا جميل
أصالة وحب أمان وحريـَه

تكلم آذان الظهـر
ومازال الطريق قدامي
والشمش حارّه حتى هي

شويـَه وانا تنسمع هدير قريب ليـا
تلفـّت لجنابـي
لقيت الجمل وسط الـﯕـافلـَه
لحـق بيـا
لجّمْتـُه شـرّجْتـُه
ودخلت لسيدي بنور بعد العصر
وقرب لعشيـَه

بنيت قيطوني في جنب لمدينـَه
حطيت رحالي وربطت جمالي
ومشيت نفـوّج ونـدور

ﯕلست ف قهوَه عموميـَه
سوّلت واحد على شي فنـان
تيكتب قصايد زجليـَه
ما فادني بخبار ما رد عليَ
ومشيت تنسوّل
شي ناس كبار
منهم واحد جاوبني بالرْزَانـَه
كلام مثبت وغير بشويـَه

كتسوّل يا ولدي ع َلمُحَـالْ
فين ناس زمان
ناس الكلمـَه والموّال
نـاس المايـَه والفـال
زمان التعريجـَه والبنديـر
زمان لمقص وصوت لـﯕوال
والكلمـَه لمْذكـْرَه الرْبَاعيـَه

وكان لحيا والحشمـَه
والقناعـَه بالقسميـَه
وكان زمان الحجبـَه
عند لعيالات
اللي ما كان خروجهم
غير ف الفرح أو ف المامات

وبقيت غادي مع ذوك الناس
خطوَه خطوَه
وتبّعنا كلامنا ف لقيطون
وزاد ﯕـال
غير سير وكان
يا ولدي
الله يداوي الحال

ومنين أنت ف لْخـّـُوتْْ تـْكـُون ؟
ﮜلت لـُه أنا من بلاد الزيتون
و احواض النعناع
أرض العرصَه والجنـان
الكرمـَـه والنـﯕـاصَـه
وحلاوة مَا بوفكران
وجودة الخوخ والرمان
وﯕنس لعنب
والتفـّاح حتى هـو
أنا من مكناس ...
..... بلاد الفن والملحون
وغادي نزور عشاق الحرف
ب لكلام مولوعين
ف الشعـر والزجـل

تبسـّم وﯕـال
الله يكرمك
و يثبـّت لك العمل
شفتي أنا كنت شيخ الرْمَى
تنحَرّك واقف فوق العَوْدْ
ضربة بارودنا ديما مقـادّه
وسُربتنا عليها السـّر والملح
ديما متبوعـَه بالزغاريت.....
.............والغياطـَه والطبالـَه

شويـَه وهو يطلق رجليـه
وحيّـد الـرّ ُزّه على راسـُه
وشد طرفها بين صبعان رجليه
طواها طي الكتـان
ورَدْهَا فوق راسـُه
و خـْدا عكـّازُه
تخيلـُه مُكحـْلـَه
وحَطـّـُه على صدرُه
ﯕـْرَنْ مْرَافـْﯕــُه
وعيّـط : واااا لمكاحل
و شالَ باللجام
على ليمَنْ وعلى اشمَالْْ
ورماه فوق كتافـُه
وتلفـّت في جنبـُه
وطلق صوت البارود بفـُمـُه
قرقبوا عليه صحابـُه
دقـّة الكـف
بقيت انا غير فاهي فيه
وختمنا جلستنا بالصلاة والسلام
على النبي المختار

نعست كيف العـادَه
وقبل ما يفجـّر الحال
كنت ف طريقي غادي
متبـّع لبلان

نْدَهْـت الـﯕافلـَه
وكنت ف لمشيَه زربان
بالصدفـَه لقيت علامه
فين تفرقوا الطرقـان
وكل طريق بنعتهـا
لكنيـَه والعنوان
ــ ــ ــ
غـــادي نزور صحابي
تابع

عدد الرسائل : 34 تاريخ التسجيل : 08/06/2010

المبدع الجوال بنعيسى الحاجي:

رحلتك ستبقى خالدة في اذهان "اصحابك" ولا تنسى ان تمر على مراكش،
مالين الكلام ينتظرونك هنا على احر من "الحرف" وشكرا

موضوع: رد الجمعة يوليو 16, 2010 11:56 pm

السعيد بن العيدود كتب:: المبدع الجوال بنعيسى الحاجي:

رحلتك ستبقى خالدة في اذهان "اصحابك" ولا تنسى ان تمر على مراكش،
مالين الكلام ينتظرونك هنا على احر من "الحرف" وشكرا

أخي المبدع السعيد بن العيدود

أشكرك جزيل الشكر على مرورك الجميل وتفاعلك الفني
مع محطات الرحلة الزجلية والتي تتضمن في برنامجها زيارة
" صحابي عشاق الحرف الزجالين بمدينة مراكش الجميلة إن شاء الله "
شكرا لك أخي العزيز على عفتك وترحيبك
تحيتي الأخوية

موضوع: رد السبت يوليو 17, 2010 1:06 am

غــادي نزور صحابي
عشاق الحرف
الزجالين

رحلة زجلية ... غادي نزور صحابي - صفحة 3 366754798

اليـوسفيـــــــــه
رحلـََه
15

وقبل ما يفجـّر الحال
كنت ف طريقي غادي
و ف لمشيَه شويَه زربان
اليوسفيـَه ........
.....كانت قصدي

بالصدفـَه لقيت علامَه
فين تفرقوا الطرقان
وكل طريق بنعتهـا
لكنيـَه والعنوان

وصحاب المخزن حاضرين
رجال الدرك
معروفين بالجدارميـَه
منهم واحد ﮜـال
بعد التحية والسلام
منين جيتي وفين غادي
واش بايع ولا شاري
وﮜول لِنـَا
آش من سلعَه حامل
فوق هاذ الجمال ؟

جاوبتـُه وﮜلت ليه
وعليك السلام
أنا زجال رحال
مولوع بنظم لكلام
من مكناس جيتْ
وغادي نزور صحابي
عشاق الحرف
شعراء وزجالين
ما بايع ما شاري ما طامع في مال
وزادِي سومُه غالي
مْوَلْعِينْ بيه العشّاقـَه
ذوق ولذه نغمَه وموّال

عاود ثاني ﮜال
على هاذ العينـَه حنا عوّالين
ممنوعـَه ما مسموحـَه
وانت عليها محاسب
بشـلا قوانين
اسمح لنا بالتفتيش
وبعيون هاذ الشواري باديين

ﮜلت لـُه
هاذ العين فيها مشروع ديوان زجلي
اسمُه ربيع الوقت
تيضم عشر قصايد زجليـَه

وهاذ العين فيها ديوان مشترك مطبوع
اسمُه عرصة لكلام
مشاركين فيه شلا إخوان

وهاذ الصندوق
فيه كـلام منظوم
سُومُه غالي ساوي الثمن
سولت حروفك اسمـُه
معروف في منتدى مطر
هاك الرابط
http://matarmatar.net/vb/
دخل لمطر الفن تمتع وشوف

وهذاك التلـّيـس
فيه من لقصايد ما يكفيه
دورَه وتبريمَه ف ساحة لهديـم

وذيك الكارطونـَه
فيها ملحمـَه قديمـَه
جلجامش وعشبة لخلـود

وهاذ لحمل فيه قصايد مختلفه
ومحطات الرحلـَه
قريـَه ومدينـَه حتى لسيدي بنور
ومنها غادي قاصد مدينة اليوسفيـَه
والبطاقة الوطنية هاهي ف مكتوبي
عنوان اسم وكنيه
بنعيسى الحاجي اسمي
وجـدّي مكنـّي بلعرابي
الله يرحمه
زيادة وخلوق
ف زاوية سيدي احمد بن عبد الصادق
قـرب الريصاني

تنـّاوا لي بالتحيـَه والسـلام
وﮜالوا لي طريق السلامَه
يا فلاح لكلام

جمعت لحمل كيف كان
ساويتـُه على ظهر الجمال
شَكـّرْتـُه مزيـان
وكتبت بْرَيـّة
للسي ناقوس المهدي
سولتـُه آش من طريق
توصلني لليوسفيـَه
جاوبني كيف العادة
برد جميل
رحّب بقدومي وشرح ليـا

تحية أخي العزيز سيدي بنعيسى الحاجي
تبعد مدينة سيدي بنور عن اليوسفية ب50كلم جنوبا أي انك تصل
إلى مخرج المدينة وعند مفترق الطرق تترك الطريق الرئيسة
المؤدية إلى مراكش، و تأخذ الطريق الثانوية على يمينك المؤدية
إلى قرية أربعاء أولاد عمران ثم منها إلى اليوسفية مباشرة …
طريق السلامة أخي

غيّرت هدومي
تبّث سيور النعل
ف الطريق الثانويـَه
سـﮜـت الـﮜافلـَه
ومشيت على رجليـا
ومرّه مرّه
كنتفكـّر كلام صحابي ف الجامعة
اللي ف هاد الرحلة باركوا ليـا
منهم :
احميـدة بلبـالي
البوعليوي عبد السلام
الأخ ربيع عامر الغيواني
محمد اللغافي
الأخ ياسين مصطفى جميل
ــ محمد كوبري
ــ مليكة أمصاد
ــ علي مفتاح
ــ ادريس المسناوي
ــ سعاد أميلي
ــ نجيب أمين
زايد التيجاني
السعيد بن العيدود
ــ
و بوصولي لقرية أربعاء ولاد عمران
وقفت بعيـد
وراسلت السي ناقوس المهدي
طلبت منه يتكلم لي على سكان هاذ لبلاد
والله يجازيه بخيـر
جاوبني وهو فرحان
فـرح كبيـر
وﮜـال ليـا :

تحية اخي السي بنعيسى الحاجي
أربعاء أولاد عمران تبعد عن اليوسفية ب 19كلم و تقع على التخوم الجنوبية
لقبيلة دكالة المحاذية لقبيلة احمر التابعة للشرفاء أولاد بني دغـوغ
حسب علمي والذي من المفترض أن نسبهم يعـود إلى قبيلة أولاد ابن أبـي السباع
المنتشرين في أكثر من منطقة بالمغرب ، ويعتمدون في عيشهم على تربية المواشي
والرعي والفـروسية والفلاحة الموسمية لبعدهـا عن وادي ام الربيع الذي يختـرق
منطقة دكالة في طريقه إلى الأطلسي
لا أكاد اعرف شيئا عن أهازيجهم وأغانيهم الشعبية وعيوطهم التي يغلب عليها
الطابع المرساوي
تحيتي لك
...
يتبع
...

مشرف عدد الرسائل : 1048 تاريخ التسجيل : 26/05/2007

حقسقة أخي الزجال بن عيسى الحاجي

رحلتك ممتعة للغاية نقترح على جامعة المبدعين المغاربة أن تحتفي بها في لقاء يجمع خيرة لسماعها بصوتك ومناقشتها

تحياتي سيدي

موضوع: رد الأحد يوليو 18, 2010 11:21 pm

الزهرة درار كتب:: حقيقة أخي الزجال بن عيسى الحاجي

رحلتك ممتعة للغاية نقترح على جامعة المبدعين المغاربة أن تحتفي بها في لقاء يجمع خيرة لسماعها بصوتك ومناقشتها

تحياتي سيدي

المبدعة الزهراء درار

أشكرك جزيل الشكر على اهتمامك الجميل وتفاعلك الفني
مع مضمون محطات الرحلة الزجلية
سعيد جدا أنها أمتعتك بجمالية الوصف الذي فاضت به
مشاعري الفنية كلما زرت إخواني الزجالين بمناطقهم
قرى أو مدن مغربية
وبخصوص اقتراحك الجميل فانه يعتبر فكرة تحترم ببعدها
وعمق تصورها الفني في شموليتها الفنية
تحيتي لك

موضوع: رد الأحد يوليو 18, 2010 11:35 pm

غـــادي نزور صحابي
عشاق الحرف
الزجالين

اليوسفسية
رحلـََه
15
قرية أربعاء اولاد عمران
2

وحيث جاني الرد
قرّبت من لمكان
شفـت فـرگ دا لحصادَه
شادين الصـف
كل واحد على راسُه ترَازَه
وتـْبَاندَه على صدرُه
و رَبْعْ صْبابَعْ ف اليد اليسريَه
وحديث لحْصَادْ جاري
صوت المنجل تيبرﮜم
والصلاة والسلام على النبي
ف تمام كل مْطِيرَه

قرّبت من ذاك الفدان
شفت اللي تيجمع ويْمَطـّط ْ لغـْمَارْ
شفت الشْبَاكْ منقولـَه
على ظهور لبغـَال
ف الـﮜاعـَه ينشرُوه
ياخـُدْ حقـّـُه من الشمس
حتى يبس ويدرسُوه
زدت شويَه للـﮜدام
لقيت حصادَه اخرين
خدمتهم كتحاكي ل للولين
ف الحقيقـَه منظر جميل
محافظـَه عليه لقبيلـَه
سوّلت مول الفدّان
فلاح كبير
داي ف الزمان وراد ب المعقول
مبتسم ضحوكي مبشور
دعيت لـُه بالبركـَه والتيسير
وقلت ليه
وقتاش غادي يكون الدْرَاسْ
وتفرزوا الحَبْ من السْبُولْ ؟
قال ما بين اسبوع ، اسبوعين
وحتى لخمسطاش ليوم

بك مرحبا
وما انت غادي
حتى تحضر معانا للدْرَاسْ
تشوف عادتنا ف لفلاحـَه
وتشوف الفلاح كيفاش
تيخرّج لعشور ف حق الله
وكيفاش تيعطي الحق للخمّاس
وتيأدي حق الله ف الجامع
صلاه وعباده
تيخلـّص الشـّرط للـّفقيـه
وتيفرّج على نفسـُه
ف البسط ولقصارَه
والتبوريدَه عندنا فيها حب كبير
صولـَه وعنايـَه
وشـان كبيـر
والشـرع ما مضيعناش
وحنا ما فرطناش ف العـادَه
رَبْعْ عْيَالاتْ ف كل خيمَه

ودكالة يا ولدي ﮜال عليهم
سيدي عبد الرحمن المجذوب
سليـل هاذ الأرض
دكالة رجال بلا بلاد
وعبدَه كـُونْ فيها الما كون ندير فيها لولاد
والشياظمة ايلا مشيتي ليها لا تدي معاك زاد

وزاد طرح عليَ سؤال
ﮜال فيه
وانت ياولدي
واش مزوّج وْلىَ مازال ؟
ﮜلت لـُه
انا مزوّج وعندي رَبْعْ ولاد

عاود ﮜـال
وعلاش ما مطبـّق شرع الله ؟
وكيف ﮜالوا زمان
دير ما دار جارك او حوّل باب دارك
وشْرَعْنـَا ماثلنـا فيـه

ﮜلت لـُه : نحوّل باب داري
كيف ما ﮜلتي ليـَا
ونكمّل طريقي عند صحابي
ف مدينة اليوسفيـَه
ﮜال لي : هاي هاي
ماطحنوه حتى عياوا من تغزازُه
واش دخول الحمام
بحال خروجُه

جاوبتـُه وﮜلت ليه
يا سيد لحاج يا ذاك الفلاح
آش من شرع كتكلم عليه ؟
ما ف خباركش باللي المدونـَه
كتمنع الزواج بلا خبـار لمْرَا
وزائد يا سيد الحاج
وانت عارف الزمان صعاب فيه العيش
والمدخول على قد الحال
يالله غادين سير مزير
مقادين مع الوقت
وما يمكنش
أبدا ابدا ابدا
نْعَيـَشْ رَبْعْ عيالات

اما انت ومعك ناس لقبيله
يمكن حالـَة خاصّة
كل شي عندكم من باب الله
الزواج بالنيـَه
والعشرة خالصة حتى هي
والعيش كلـُّه من لبلاد
الخضرة بانواعها
والزرع جديد وحايل
وﮜنـس الفاكية ع لاشكال
لبحايـر مجردة
سويهلة بطيخ ودلاح
والجنان باكـور وكرموص هايل

ما كتخمّم ف مانضَه
وما مجتاج لمال
لغنم كثيرة بلا حساب
ولبـﮜـر بزايد الرزق
ثور ينسيك ف ثور
ولحليب لديد وخاتـر
والبن غاية ف البنـّه
واش ﮜلتِ ياسيد لحاج
راك شهيتيني ف شي سكنى معكم
ف هاذ القريـَه

نشوف لبلاد
علوهـا وَوْطاهـَا
نشوف لجبـال
عقبـة وحدورة
كديـة و سهـب
وريحة لخريف بها نشلل ذاتي
ونعانق لفصول بْـرَبْعَه
خريـف و شتـا
ربيـع وصيف
و نعاشر لعزارا
نسمع ونشوف
الكلمة والنكثه
والحكـي
العزف ولغنـا
ﮜنبري تعريجه وكمان
ونيره كتضرب جميع لعيوط
وكتفنن ف العبـدي والمرساوي

أما لمدينه يا سيد الحاج
سرها غريب
سوا كان الإنسان كاري
أو عندُه الدار
بالصراحَه ديما محتـاج
و راس الشهر مْوَدّبْ بيه
كري تبات شري تمضغ
والرجل ايلا بغا يتزوج حتى توافق لمرا
أما ايلا بغا يطلقها
عندها الحق تقسم معه كل ما تيملك
ويعطيها النفقة ديال لولاد

واهيا سيد الحاج
واش وصل وقت الدراس وْلىَ مزال ؟
ما جاوبني ما رد عليا
غيـر ﮜـال
زمان واش من زمان هذا
الله يداوي الحـال

///
وغير تسناني يالسي المهدي ناقوس
راني مزال ف قرية أربعاء ولاد عمران
غير الله يدير الخير وكان
يتبـع

الزجال و الرحال المتألق بنعيسى الحاجي

اليوم امضيت قرابة ساعتين مع رحلتك ،اعدت قراءتها من لحظة انطلاقها من مكناس الزيتونة
الى محطتها الحالية ،رحلة كتبت بثقنيات المتعة و الامتاع ،اسلوب زجلي يعتمد بالاساس على عنصر
"السرادة " و هي ثقنية أو اسلوب في الحكي ،يعتمد بالاساس على عنصر الوصف و المخاطبة ،لكن بطريقة تجذب القارئ كي يسافر مع الراوي او السارد .
لكن الاهم في نظري المتواضع و الذي راهنت عليه الرحلة و صاحبها ،هو العنصر التوثيقي
للزجل و أعلامه .
لقد مزجت الرحلة بين الواقعي و المتخيل ،فالواقعي يكمن في التوثيق لاسماء الزجالين المعاصرين ،
و المتخيل طبعا يتجلى في الحكي المتخيل ،للوقائع و الاحداث ،و التي راهن عليها الزجال|الرحالة من اجل اغناء اولا النص |السرادة ،ثم ثانيا لاعطاء الرحلة ،ابعادا متخيلة ،لكن بطريقة مشوقة ،تشد المتلقي كي يسافر و يتمم الرحلة الى نهايتها .
رحلة بما تحمله من واقعي و متخيل ،تستحق النشر
مودتي اخي بنعيسى

موضوع: رد الأربعاء يوليو 21, 2010 8:59 pm

غـــادي نزور صحابي
عشاق الحرف
الزجالين

رحلة زجلية ... غادي نزور صحابي - صفحة 3 927606455

قرية أربعاء اولاد عمران
3

واهيا سيد الحاج
واش وصل وقت الدراس وْلىَ مزال ؟
ما جاوبني ما رد عليا
غيـر ﮜـال
زمان واش من زمان هذا
الله يداوي الحـال

وحيث سخن الحال
والزرع يبس مزيـان
الخمّـاس نْجـَرْ الـﮜاعَـة
ومَلـّسْ رَحْبَة الدْرَاسْ
التـّافـّه يابسة مـﮜـلـُوبَه
ولبغال جابهم الخمّاس
لجـّمهم واحد واحد
وطـوّل طـَارْفـَة اللجـَامْ
التـّرَازَه على رَاسـُه
غـْمَارْ الدّرْسَه كلـّـُه مساوي
وْزوج خدّامه
كل واحد ف يدُه مدرَه
معاونين مْعـَاهُ
ﮜال باسم الله
وصلى على رسول الله

نـْدَهْ لبهايـم
فوق التـّافـّه يدرسوا
بحوافرهم الحب والتبـن
والخَمّاسْ وْارَهُمْ
مرة مرة
تيقلب الدّورَة
والسَوّيطة ف يدُه كتشالي
كيرتجل لكلام يْوَنسْ راسُه
ويوﮜض لبهايم به
ولخدّامَه بالمدرَة تيقلبوا
اللي لتحت يرجع لفوق
حتى تطيب الدّرْسَه
وحيث تيبرد الحال
ويسوط ريح العصر
كتبدا التصفية
يتـّفـْرَزْ الحب من التبن
باللوح والمدرة تـَيـْدَريوْا
زوج واحد مقابل واحد
مرة مرة
تيقول لصاحبـُه ارْبَحْ
والثالث تيشطـّب الـﮜرْمُومَه
من وْجَهْ الحـَبْ
وكتكرّرْ العمليـَه
حتى كتصفا الدّرسَه من التبن
وف قـرب لعشيـَه
تيبدا لعْبَارْ بالرُبْعِيَه
وكل خنشه بثلث مْدُودْ
والعاشرة كتحاز لجيهة
كتسمى لعشور
للدراوش والمساكين

حق الفلاح ربع خناشي
والخامسَه ديال الخمّـاس
وشرط لفقيه من الزرع الصافي
يعطيه الفلاح ب لوفا
ويمكن يزيد اكثـر
وكل ما كثرت الصّابـَه
تيكثر لعشور
ومثلـُه حق الخمّاس
كتنتهي عملية الدراس
ونهار التـّغْيِيزَه وحدُه
خـــاص
بالـﮜرْمُومَه والدّرس
والمحصول تيعطيه الفلاح
لولادُه اللي خدامين معه
وحتى للناس لقراب

والتبـن المدروس
والسقف المجوع من لحصيدة
تيبنيه نوادر وتيْمَلـّسْ عليه
هـذاك شغل الخمّـاس
والزرع تبارك الله
تيعمر به لمطامر وتيغطيه
والله يحضر الزكا والبركة
والسعاده ولهنا
وسلامة الوقت

شفت ف هاذ لقبيلـَه
اللي شفت
ضيافه جود وكرم
إنسانيه وقلب كبيـر
وترحيب لاق بيـــا
عجبتني لبلاد وارتحـت

وحيث علمتهم بالرحيل
ماعجبهم حال لاموني
وما سخاوا بيـا

///
وغير تسناني يالسي المهدي ناقوس
راني مازال ف قرية أربعاء ولاد عمران
غير الله يدير الخير وكان
يتبـع

رحلتك تحتفي بذاكرة المكان كما تحتفي بذاكرة زجلية في المكان

وهذا كما فال الأستاذ علي مفتاح هو توثيق للواقعي وبطبيعة الحال مع متخيل شفاف
تحياتي

موضوع: رد الخميس يوليو 22, 2010 4:25 pm

علي مفتاح كتب:: الزجال و الرحال المتألق بنعيسى الحاجي

اليوم امضيت قرابة ساعتين مع رحلتك ،اعدت قراءتها من لحظة انطلاقها من مكناس الزيتونة
الى محطتها الحالية ،رحلة كتبت بثقنيات المتعة و الامتاع ،اسلوب زجلي يعتمد بالاساس على عنصر "السرادة " و هي ثقنية أو اسلوب في الحكي ،يعتمد بالاساس على عنصر الوصف و المخاطبة ،لكن بطريقة تجذب القارئ كي يسافر مع الراوي او السارد .
لكن الاهم في نظري المتواضع و الذي راهنت عليه الرحلة و صاحبها ،هو العنصر التوثيقي للزجل و أعلامه .
لقد مزجت الرحلة بين الواقعي و المتخيل ،فالواقعي يكمن في التوثيق لاسماء الزجالين المعاصرين ، و المتخيل طبعا يتجلى في الحكي المتخيل ،للوقائع و الاحداث ،و التي راهن عليها الزجال|الرحالة من اجل اغناء اولا النص |السرادة ،ثم ثانيا لاعطاء الرحلة ،ابعادا متخيلة ،لكن بطريقة مشوقة ،تشد المتلقي كي يسافر و يتمم الرحلة الى نهايتها .
رحلة بما تحمله من واقعي و متخيل ،تستحق النشر
مودتي اخي بنعيسى

أخي الشاعر الزجال علي مفتاح

نعم لا أحد يجادل في الأهمية التي تليها للأعمال الفنية التي تنسجها أقلام أصدقائك
المبدعين من نصوص زجلية وغيرها ، جازاك الله خيرا فأنت الصديق والأخ الوفي .
أشكرك أخي على تفاعلك الجميل مع محطات رحلتي التي أخذت منك المتابعة
والتحليل الفني لما تتميز به من مستوى لساني يجعلني أومن بدرجة مجهوداتي
وأصنفها الى ما هو أحسن ...
دمت مبدعا ومحبا للإبداع
تحياتي الفنية

موضوع: رد الجمعة يوليو 23, 2010 10:52 am

الأستاذ حميد يوسفي

شكرا لك أخي العزيز حميد يوسفي على مرورك البهي
و تفاعلك الفني مع مضمون تصورات الرحلة
آمل أن تكون في مستوى تطلعات المتلقي الكريم ...
تحيتي الخالصة

موضوع: رد الجمعة أغسطس 06, 2010 1:12 pm

غـــادي نزور صحابي
عشاق الحرف
الزجالين

رحلة زجلية ... غادي نزور صحابي - صفحة 3 919497597

بين سيدي بنور واليوسفية
رحلـََه
15
قرية أربعاء اولاد عمران
4

وحيث علمتهم بالرحيل
ماعجبهم حال
لاموني
وما سخاوا بيـا

وﮜال لي الحاج ذاك الفلاح
اسمع ورد البـال
كـل مكتاب وليه اجلـُه
مازال ف شون رجال لبلاد
وف مقامهم زيد ارتاح

ف الحقيقة ما خسّرت ليه نظـر
حتى أنـا
مُرَادي نبقى ف دكالـَه
شـي أيـَـام محسوبَه عليـا
صحابي لاموني
ولحوا عليا
منهم ذ.محمد فجار
سبحان الله تيتكلم بلسان فصيح
ﮜانتـُه جامعَه من الثورات الشعبي معلومات كبار
مروّض لكلام ومضرّيه ع لهدفه والسّكـْتـَه

تكلمنا في شان الرحلـَه الزجليَه وليا ﮜـال
سال وسول بالفايدَه تزوّد
عمّر جبحك ياك انت رحّال
ويَاك تخرج من دكالـَه
حتى تعرف غوار لجبال
عـﮜبـَه وحدوره
وتدي ما تعاود ف نبات لرض
عشوب مغطيَه السهب والكديَه

و ف الثورات سول على نواع العيطـَه
بوعبيد الشرقي والمرصاويـَه
ولا تنسى قصيدة الشجعان
وملحمة الرحامنَه ديال الشيخـَه امباركـَه البهيشيَه
وما غنـّات وﮜالت ف العيطـَه الحوزيَه ....
اوصّاني حتى على التقاليد والعادات
وكيف تيعيشوا فالباديـَه

وزاد وضح ليا وﮜال
راه قبايل دكـّالـَه كلهـا
من شتوكة ، الحوزية ، أولاد فرج ،اولاد بوعزة
العونات ،أولاد عمور، أولاد زرارة ، وأولاد عمران
بعد ما تيكملوا من لحصاد والدراس
كبار وصغار نسا ورجال
تيمشيوا بالخيل والفرسان
سبع يـام
وثمن ليالي بالتمام
كلها أفراح وسرور ونشاط
لموسم مولاي عبد الله أمغار
عاد لقيتيه فات بشي أيام
والـي من أولياء الله الصالحين
بركتـُه كبيرَة عِلم وصلاح
خصك شي زيـارة ليـه
حيث ﮜالوا زمان
زور تنـور

وكملنا ﮜلستنا أنا والحاج الفلاح
بين لشجار ف ذاك الجنان
الـﮜلسة فيه غايـة
متعـة ونزاهة
ﮜنـس الفاكيَه كتشهي
عجبني ولاق بيــا
نتفجّـج فيـه

من بعيد شفت الخماس جاي مدروك
تيهدر ب لغوات
والحاج !!!... والحاج !!!
مبروك ... مبروك
البـﮜـرَة الدّبـْسـَة ...
ولدت عجل كروازي
سبحان الله جلدُه مْـزَوّقْ
فيه لكحل ولبيض
ههههههه
ههههه
ولمعلم الدزاز بقـرابـُه
حتى هو جَا يـْدَزْ لغنـم

ناض جمع الوقفة
ولكلام اللي كان بيناتنا خلاه

يتبع

أخي بنعيسى الحاجي
لم يسعفني الوقت كي أتابع رحلتك رالزجلية الممتعة منذ بدايتها, ولكن هنا بين سيدي بنور واليوسفية, وبالظبط في قرية اولاد عمران, لحقت بك واستمتعت بالحوار الذي دار بينك وبين الحاج الفلاح. الشيء الذي جعلني أعيد قراءة القصيدة الزجلية بكل أطوار الرحلة, فوجدت من خلالها أن الزجل يرسم لنا خريطة بكلام موزون يمكن القاريء من تحديد مواطن مجموعة من الزجالين المغاربة, كما أنه يصور لنا الملامح الجغرافية والمميزات الثقافية والشعبية التي تتميز بها بعض المدن من وطننا.
إنها جغرافية الزجل, أخي بنعيسى, فشكرا لك على الإمتاع والإفادة.
تحياتي
لي ملاحظة, مادام بعض الإخوة في الجامعة يناقشون موضوعا حول رسم الكلمات في القصيدة الزجلية, وهي أنك كتبت كلمة الثرات هكذا: الثورات, وقد يفهمها البعض بالثورات كجمع ل الثورة. لذا أقترح أن تكتب كما هي في الأصل.

موضوع: رد الخميس أغسطس 12, 2010 11:28 pm

أحمد بنزها كتب:: أخي بنعيسى الحاجي
لي ملاحظة, مادام بعض الإخوة في الجامعة يناقشون موضوعا حول رسم الكلمات في القصيدة الزجلية, وهي أنك كتبت كلمة الثرات هكذا: الثورات, وقد يفهمها البعض بالثورات كجمع ل الثورة. لذا أقترح أن تكتب كما هي في الأصل.

أخي المبدع الزجال أشكرك جزيل الشكر على مرورك الجميل
وتفاعلك الفني مع مضمون محطات الرحلة الزجلية
وتلك غاية منك في دعم المسار الفني لاخوتك الرواد
وتشجيعهم على المزيد من العمل في الكتابة والابداع
وبخصوص ملاحظتك الفنية فذلك ما نصبو اليه في تطوير
كتابة الكلمات الزجلية
مودتــــــي

غـــادي نزور صحابي
عشاق الحرف
الزجالين

رحلة زجلية ... غادي نزور صحابي - صفحة 3 139744440

بين سيدي بنور واليوسفية
رحلـََه
15
قرية أربعاء اولاد عمران
5

ومن بعد العصر
وقـُرب لعشيـة
عيطت على ذ.محمد فجار
سلمت عليه وحييتـُه
وطلبت منـُه يعاود ليا
على سيدي بوشعيب الرّداد
تغلغل ذاك الرجل
وتخشع أكثـر
وشاف فيا شوفة المولوع
وﮜـال ليـا

رحلة زجلية ... غادي نزور صحابي - صفحة 3 256183485

رحلة زجلية ... غادي نزور صحابي - صفحة 3 256183485

سيدي بوشعيب الردّاد
والِي من أولياء الله الصالحين
كانت معروفة به مدينة أزمور
وبها مدفون
هو ابّا شعيب بن أيوب الصنهاجي
بالسارية لمكني
من كثرة وقوفـُه ﮜدام الحضرة الألاهية
تيزوروه نـاس كـثــار
محبيـن ومبلييـن
تيحتفلوا بـه
قبايـل الشعيبات
وتيعمرُوا
الموسـم ديالـُه

وكانت النية ومازال
قبل ما يدخل الزاير للضريح
تيشري الشمع
وف الباب تيطلب التسليم
على جناب الضربوز تيحني ويبوس
هي عادة معروفة من قديم
وكاين اللي تيجيب لهدية
إما كسوة ولا فلوس

حيث العامة كتـﮜول عليه
مولاي بوشعيب
عطاي لعزارى بلا حزارة
وشحال من عاﮜـرة
كتـدوم فيـه
كتطلب ،تزاوگ وترغـب
وكتخلي حزامها
يبات وسط القبة
في جنب الضربوز
وف الغد كتحزم به
بالبركه يتحل عـﮜرها
ويمكن تولـد

وقبالت مولاي بوشعيب الرداد
كيف حكى ليـا
كاينة جزيرة كتشوف فيه
ساكناها لاله عايشة البحرية
تيقصدوها شلا بنـات
فاتوا ف السن
بثقاف ولا عكس
من بركتها
طالبات الزواج
تيغسلوا بالما دافي
وتيخويوا الما سخون على الراس
وتيخليوا حوايج لعـرق
فوق عواد الشجرة منشورين
يتبطل السحور كانت تابعة او ثقاف

أما سيدي مسعود بن حسين
آش نـﮜول لك عليه
حتى هو والي من الأوليـَا
ف حد اولاد فرج هو مدفون
مشهور عند العادي والبادي
ناظمين عليه أغنيـة
كتهيـَـج المسكـون
وتمدح فيه
" شكون اللي خدامُه ... العونات اللي ﮜدامُه
عندُه شي سلاگ كيهيتوا
في باب القبة كيبيتوا ... ويعضّوا من قلـّة نيتـُه "

سلـّمـت وطلبت التسليـم
لرجال لبـلاد
الأوليــاء والصالحيـن
ذكرهم لي ب لأسياد
سيدي ابّا عمران موسى بن واكادير
المعروف بسيدي موسى بن عمران
وسيدي ينور بن واكريس الصنهاجي
المعروف بسيدي بـنـــور
وسيدي علي بن حمدوش ف جبال زرهون
والخلوة دياله ف الغرب حنب واد سبو
ولاله " يطو" لمطوعة الرجالة .....
...............والجارّة السبع من ودنـُه

شكـرت صديقي ذ.محمد فجـــار
اللي رافقني ف الزيارة
لأقاليـم لدكالـة
حتى لآخـر نهـار

كنحيـي ونشكـر ناس لقبايل
ونجزي اهل ذاك الدوار
لمسمّي باولاد عمران
منهـم لكبـار والصغـار
وكنشكـر اخواني اللي ساعدوني
بمنتدى مطـر
الأستاذ ناقوس المهدي
الأستاذ المسودي عبد الفتاح
وذ.محمد فجـار

وكنتمنى نكون فدت واستفدت
وحاولت نعـرّف
بقبـايــل دكالـة أكـثـــر
ــ ــ ــ
غـــادي نـزور صحابي
عشـاق الحـرف
الزجاليـن

عندما تنتهي حياة الإنسان تنتهي زيارته لأحبابه وأصدقائه ظاهرا ولكنها تستمر باطنا فيشعر بها هو فقط دون أن يشعر بها إنسان أخر.
وخير دليل على هذا عندما تنظر إلى صورة أي فقيد عزيز عليك تراه يرنو إليك وعيناه كلها حياة كأنه لم يمت .
وعندما يسافر بينا العزيز الزجال الرائع بنعيسى الحاجي في هذا النص الجميل "غـــادي نزور صحابي عشاق الحرف الزجالين "
يسافر بنا بروحه فنحس بها ونتفاعل معها بالرغم منا ومنه ويغدو قريبا منا وهو البعيد عنا فنشتاق إليه فتعلو البسمة محيانا دون أن ندري لماذا فيستلهم هو هذه اللحظة ويكتب ما حدث .[i]

موضوع: رد الأحد أغسطس 22, 2010 12:14 am

التهامي نجار كتب:: عندما تنتهي حياة الإنسان تنتهي زيارته لأحبابه وأصدقائه ظاهرا ولكنها تستمر باطنا فيشعر بها هو فقط دون أن يشعر بها إنسان أخر.
وخير دليل على هذا عندما تنظر إلى صورة أي فقيد عزيز عليك تراه يرنو إليك وعيناه كلها حياة كأنه لم يمت .
وعندما يسافر بينا العزيز الزجال الرائع بنعيسى الحاجي في هذا النص الجميل "غـــادي نزور صحابي عشاق الحرف الزجالين "
يسافر بنا بروحه فنحس بها ونتفاعل معها بالرغم منا ومنه ويغدو قريبا منا وهو البعيد عنا فنشتاق إليه فتعلو البسمة محيانا دون أن ندري لماذا فيستلهم هو هذه اللحظة ويكتب ما حدث .[i]

شكرا لك أخي الفاضل المبدع التهامي نجار على مرورك الجميل
وتفاعلك الفني مع مضمون محطات الرحلة الزجلية .
احساس قوي وتحليل فني مميز
مودتــــــــــي

موضوع: رد الأحد أغسطس 22, 2010 4:18 pm

غـــادي نزور صحابـي
عشـاق الحـرف
الزجاليـن

رحلة زجلية ... غادي نزور صحابي - صفحة 3 811704572

اليـوسفـيــة

رحلـََه
15

و نهار ...21/08/2010
ف الصباح بكـري
قبل طيوح الدجاج
ودّعت صاحبي ذاك الفلاح
بالشكر والسلام والتحية
نَعّتْ لي الطريق
وﮜال لي سيـر نيشان
ما كايـن
لا دورة لا تبريمة ولا فيراج
غادي تخرج من قبيلة دكالة
إقليم سيدي بنور
وتدخل لإقليم جديد ف تراب اليوسفية

ونا مازال ف طريقي غادي
من بعيد شفت السما مكسي بشلا دخاخن
وكل ما قرّبت كتبان الصورة مزيان
شفت معامل مختلفة
عالي فيها البنيان
تنشيف وتكليس واجراف عالية
من الفوسفاط مقدرة بالأطنان

وما بين زوج شجرات كبـار
شفت شي واحد تيشير ليا
قربت لعندُه سوّلني
وﮜال ليا
واش انت هو الزجال الرحال
ﮜلت اييه أنا هو ياك لاباس
ﮜالي بنص ضحكة
كيتسناوك مجموعة من لاخوان
واحد منهم
راه !!! ... راه !!!
راه
جهة المحطة الطرقية
.. .. ..

يتبع

موضوع: رد الأربعاء أغسطس 25, 2010 12:18 am

غـــادي نزور صحابـي
عشـاق الحـرف
الزجاليـن

رحلة زجلية ... غادي نزور صحابي - صفحة 3 302093462

اليـوسفـيــة
رحلـََه
15
وانا كنتكلم مع ذاك الإنسان
شفت الأخ المسودي عبد الفتاح
بالحضن استقبلني
وسلم عليا

مرحبا بسي بنعيسى في بلاد أحمر
الطريق بعدا هي هادييك
أنت الآن في قلب بلاد أحمر في رحلتك الزجلية و تشاء الصدف
أن يكون رقم الرحلة 15 و ما يختزنه من دلالات من بينها أنها
جوهرة الأيـام / الليالي البيض وهي ليالي تكون مضيئة بطلوع
البدر واكتماله
أهلا بك الزجال بنعيسى بين أهلك و أحبتك

وكـان الأستــاذ
السـي ناقـوس المهـدي
قريب ليـا
استقبلني بشكل كبير
و رحب بيا

مرحبا وأهلا وسهلا بالصديق السي بنعيسى الحاجي
وحللت سهـلا في ربـوع قبيلة احمر

وكانـت الفرحة فرحتيـن
الأخ ناقــوس المهــدي
كان مواعدني
ف لمدينـة يسارينـي
وعليهـا يحكي ليـا

ف لأول
رافقوني نزور صحابي
عشـاق الحرف الزجاليـن
منهـم
الأخوات والإخوان

المصطفى الصديق الأمين
عبد الرحيم الثقافي
محمد مومني
الدكتور محمد رزيق

توفيق البيض
أحمد فرج
مبارك الأمين
علي مرزوق

عبد الكريم اليانوس
مليكة فتح الإسلام
نفيسة حذيق
أحمد الدبالي

د عبد القادر وساط
عبد السلام القـوشي
الزجال أحمد دحمون
مبارك وساط

واللي ما شفتـُه سوّلت عليه
.. ..

ومشيت أنا السي ناقوس المهدي
كيف كان مواعدني
يساريني ف لمدينة
وعليها يحكي ليا

يتبع

موضوع: رد الأربعاء سبتمبر 01, 2010 12:21 pm

غـــادي نزور صحابـي
عشـاق الحـرف
الزجاليـن

رحلة زجلية ... غادي نزور صحابي - صفحة 3 302093462

اليـوسفـيــة
رحلـََه
15
3

ومشيـت أنـا
والســي ناقـوس المهـدي
كـيــف كـــان مواعـدنـي
يسارينـي ف لمدينـة
وعليها يحكي ليـا

وكانت ذيك المشية زينة
كل خطوة بكلمة
كلمة تحكي وكلمة تمجّد
ف أغوار لمدينة
بالحكمة وصفهـا
وﮜـال ليـا

مرحبا وأهلا وسهلا بالصديق السي بنعيسى الحاجي
وحللت سهـلا في ربـوع قبيلة احمر قـوم لهم شرف الانتمـاء إلى
حمير باليمن السعيد وفـدوا إلى المغرب إبان الفتوحـات الإسلامية
وتفرقوا في جيوب مختلفة على طول الطريـق أهمهم أولئك الذين
وصلـوا المغـرب واستوطنـوا المنطقـة الشرقيـة لحاضرة أسفــي
والمتاخمـة لقبائـل الرحامنـة ودكالـة وعبـدة و الشيـاظمـة وأولاد
ابن أبي السبـاع وأولاد دليـم وقد شكلـت مدينـة الشماعية المركـز
الحضري وعاصمة قبيلة احمر من أهم حواضرها مدينة اليوسفية
والشماعية وسيـدي احمد وايغـود .

وتعتمد اليوسفية في اقتصادها على استخراج مادة الفوسفاط
حيث تعتبـر المركز الثاني بعد مركز خريبـﮜـة الذي يبوء بلدنـا
الرتبة الثالثـة عالميـا من حيث الاحتيـاط العالمي وقد شـرع في
استغلالـه في بدايـات ثلاثينات القـرن المنصـرم .

أول ما يطالعـك وأنـت على بعـد أميـال من اليـوسفيـة أهرامــات
شاهقـة من الفوسفـاط يكسـوهـا اخضـرار من رواسـب الماضي
المنظر الأخاذ يحيلك على ماعون كبير من الكسكـس الذي يتفنن
الأهالي هنا بتزويقه وتنميقه بفنيد الماكنة،هذا الى جانب مداخن
ضخمة تنفـث دخانا كثيفـا جـراء عمليـات تكليس وتنشـيف مادة
الفوسفـاط الخـام قبل حملـه على متن قطـارات إلى المعامـل
الكيميائيـة باسفــــي ..

تبدو المدينة هادئة ساهمة بين أحضان الغبار والحر الخانق والفـراغ
الكبير جراء التهميش والإقصاء الذي خضعت له هذه الحاضرة سواء
من طرف المكتـب الشريف للفوسفـاط المستغـل الأكبر لخيـرات البـلاد
أو من طرف السلطـات المحلية التي تساهم بدورها في تخلف المدينـة
وتدهور بنياتها التحتية وتعرقل نموها .

وحيث قرّب وقت الإفطار
ضايفني وعرض عليا

مرحبـا بك في بلاد شرفـاء احمر وبـلاد الحمريات حمرات الكصاص
بـلاد احمـر كل حجـر بصالـح لا اعـرف ارتبـاط هذا المثـل بالواقـع
لكن نعرف كثرة الأولياء والصالحين والأضرحة والزوايا والرباطات

أتركك لتستريح وتناول معي وجبة الإفطار

مرحبا بك وبكل الإخوة

وكان الجود والكرم

يتبع

[/size][/center]

موضوع: رد الخميس سبتمبر 09, 2010 5:47 am

غـــادي نزورصحابـي
عشـاق الحـرف
الزجاليـن

رحلة زجلية ... غادي نزور صحابي - صفحة 3 911360717

اليـوسفـيــة

رحلـََه
15
4

شارع محمد الخامس

رحلة زجلية ... غادي نزور صحابي - صفحة 3 626362990

وف كل صباح تنفيق بكري
ف هاذ الشارع
تنمشي ونجي
قليل فيه الغاشي
مشية خفيفة
ما كنزرب ما كنجري
نمتع لعوينات ويتقادد مجاجـي

السي ناقوس المهدي
كيف شفتوا
منظـم معايا الزيارة
مرة ف الصباح ومرة ف لعشية
ف هاذ الرحلة
حتى هو معايا مـﮜاجـي
نذكـره شخصُه
بلسان الخيــر
وفـــاء وإنسانية
وكلام ثامر علي يفاجي
معنى ويفادة

سوّلتـُه
كيف تم استغلال الفوسفاط
بمدينة اليوسفية ؟
وب لبطر بلا ما يتعطل
بـدا ف السيرة تيحكي ليـا

أنشئـت مدينة اليوسفيـة في بداية القـرن المنصرم وبدا بهـا استغـلال
مادة الفوسفاط الذي كان يستخرج من باطن الأرض تحديدا في مستهل
الثلاثينـات أي في سنة 1934 كما تفيـد التواريـخ المثبتـة على إحـدى
الأغـوار أو الغيـران كما يطلـق عليهـا وقد كانت عبـارة عن حي أوربي
مكـون من فيـلات فخمة لإيواء الأطـر الفرنسييـن فيمـا انشأ حي شعبـي
bloc لإسكان العمال

ويمكن أن نقول أن م.ش.ف يشكل دولة داخـل الدولة بنظامه وقوانينه
الصارمـة حيث يعتمـد على مصالـح يمكن مقارنتهـا بوزارات مصغـرة
سميت المدينـة بادئ الأمـر بكشكـاط نسبـة إلى وادي كشكـاط استبدله
الفرنسيـون إلى لوي جانتي تيمنـا بالجيولوجي الفرنسـي الشهير الذي
يعتقد انه مر خلال رحلته الاستكشافية من هنا في بداية القرن في طريقه
الى الجبيلات بالرغـم من انه لم يذكر المنطقة التي بدأ استغلالها الفعلي
في بداية العقد الثالث ..

وعـاود سولتـُه
على ما بعد الإفطار
كيـف تتكـون الأجـواء
الرمضانيـة بالمدينـة ؟
جاوبني ورد عليا

ليس هناك خارج طقوس العبادات لمن يداومون على التراويح
أما ما عدا ذلك فان السكان يذهبـون الى المقاهي التي انتشرت
بشكل فظيع لمردوديتهـا ولعـب الورق وذلك في غياب أنشطـة
ثقافية موازية التي تكـاد تكون محدودة وجد نادرة طوال السنة
فيما يرابط الشبـاب العاطل على نواصي الطرقات في غياب نواد
وجمعيات هادفة.

يتبع

غـــادي نزور صحابـي
عشـاق الحـرف
الزجاليـن

رحلة زجلية ... غادي نزور صحابي - صفحة 3 581425938

اليـوسفـيــة
رحلـََه
15
5

اليوم الأخ نقوس المهدي
ما تمكنش يلقاني ف هاذ النهار
الشمـس سخونة
والجو حتى هو كان حـار
والناس كاملة
تحت الظل مرهونة

راسلتـُه ﮜلت ليـه
أخي ناقوس المهدي
سمح لي بغيت نسألك
واش كاين ودان
صغيرة ولا كبيرة ف جنب لمدينة ؟

واش كاين
من بين السكان شي مولعين
بالتبوريدة وركوب الخيل ؟

واش من شكل ديال الغنا تيعشقوه
كموروث شعبي أصيل ؟

وكيف العادة
السي المهدي ناقوس
جاوبني يا سدا
بكلام مثبت ورزين
فيه ليفادة
فيه الصواب فيه المعقول
وﮜال :

تحية طيبة أخي السي بنعيسى
ورمضان كريم وصيام مقبول

لا توجد انهـار بالمنطقة بالرغـم من تواجد ولي صالـح
جنوب اليوسفية على بعد 7 كلم يدعى سيدي احمد مول
الواد ، والواد المنسـوب إليه لا اثر له ، بل عبارة عن
مجرى صغير يمتلئ في وقت السيول والأمطار، أما ما
عدا ذلك فالمنطقة قاحلة جرداء تقع على بسيـط ارضي
شاسع يضم مادتي الفوسفاط الأبيض والأسود، وتفترش
فرشة مائية مهمة حيث تمتـد بحيـرة باطنية حتى تادلـة
حسـب بعض ذوي العرفـان وتعـد من اكبـر البحيــرات
الباطنية بشمال إفريقيا ، زيادة على أن المنطقة تفترش
سهلا بسيطا لمادة الفوسفاط التي هي ترسبات جيولوجية
لمخلفات بحر في غابر الأزمنة والله اعلم
يهتم سكـان احمر بتربية الخيـول وفصيلة السلوقـي حيث
تشتهر منطقـة احمر والشماعية على وجه التحديـد بتربية
السلوقي الذي يعتقد أنهم جلبوه من اليمن السعيد..

في الشماعية أيضا والتي سنرافقـك في زيـارة إليهـا هناك
مدرسة الأمراء الأثرية التي شيدها السلطان محمد بن عبد
الله لتلقين أبنائه الأمراء القران والرماية و ركوب الخيل
ويقام مواسم سنوية للتبوريدة أهم هذه المواسم موسم سيدي
احمد مول الواد
الحمريون مولعون بالعيطة وعبيدات الرمى التي لها علاقة
بالصيد بالسلوقي وركوب الخيل
مودتــي

يتبع

موضوع: رد الأحد أغسطس 26, 2012 12:02 pm

غـــادي نزور صحابـي
عشـاق الحـرف
الزجاليـن
رحلة زجلية ... غادي نزور صحابي - صفحة 3 581425938

اليـوسفـيــة
رحلـََه
16
6

ونا ف طريقي ماشي
شافت العين
ما عجب القلب
ونطق اللسان بشّر بالجواب
وطرز ع لبياض آلف كلمة
بحروف منظومة
ف سماها موزونة
كتفوح بالنغمة معطرة منسومة
شافت العين هاذ لمكان
غاية ف النظرة
وجمال ف البنيان
شفت صومعة عالية
معانقة السمــا
أذان علم وبيان

رحلة زجلية ... غادي نزور صحابي - صفحة 3 476589825

رحلة زجلية ... غادي نزور صحابي - صفحة 3 476589825

تبعت الطريق
وسرّحت العين
بان لي شارع عتيق
فيه شلا أشجار منظرها زين
واحواض الورد متولة بشكل أنيق
معشوقة فيه الـﮜلسة من سنين

رحلة زجلية ... غادي نزور صحابي - صفحة 3 889949120

رحلة زجلية ... غادي نزور صحابي - صفحة 3 889949120

وغير تبرمت لجنب الطريق
بـان ليـا مقر الملتقيات
ثقافة ابداع وفن ... تدوين وتوثيق
ف حضنو جامع كل لفعاليات

رحلة زجلية ... غادي نزور صحابي - صفحة 3 687741295

وسما لابس لغيام
مرة ينعس ومرة يفيق
وجنان النخل ما ضارب حسبة
عزري ف عيشتو
مربوط ف النجمة والـﮜمرة
من غير هواه شكلو رقيق
ما تفرق بين البلحة والثمرة

وسبحان الله
هاذ الفضاء شحال جميل
تيفاجي ويريَح البال
النظرة فيه شحال زينة
ﮜارن شيب وشباب ف نهار وليل
ونا خدات مني عقلي بجمالها هاذ لمدينة

///ـــــــــ///
تابع

موضوع: رد الأحد سبتمبر 09, 2012 12:33 am

غـــادي نزور صحابي
عشاق الحرف
الزجالين
رحلة زجلية ... غادي نزور صحابي - صفحة 3 581425938

إلى اليوسفية
رحلـََه
16
7

بالصدفة لقيت الأخ
المســــودي عبد الفتـــــاح
حتى هو كان مساري تمّـا
زادني وناسـة
و زعمني نشوف
شي ركاني غابت عليا
من غير عرفي
وضّحْهَا لي بالتاريخ والسمية

وف هذيك الليلة
سبحان الله
كان اجتماع بمقر فعاليات اليوسفية
فـيــه ... حضروا
جميع الإخوان والأخوات

اجتماع كبيـر
غايـَة ف النظرة
هـدرة وكـلام
وتذكير بالملتقى الثقافي الأول
وشحال من أنشطة تعرضت فيه
قراءات شعرية
صفق لها الحضور بشكل كبير
هكذا حكاوا ليـا

رحلة زجلية ... غادي نزور صحابي - صفحة 3 686146914

رحلة زجلية ... غادي نزور صحابي - صفحة 3 686146914

وسطهم انا صبحت قريب
وﮜاع الإخوان فرحوا بيـا
استقبال لايـق
ترحيـب عنـاق وتحيــة

وارتجال ف لكلام
وذكـر أبيـات زجليـة
تغير ما كان
وذاك الجمع أصبح أمسية
وكان التنظيم غاية
شعـر وزجل
والقصة حتى هي

وبـدات القـراءات
الكلمة معنية بالحرف
وشلا معانى فاحت بها
كذا من صور زجلية
وصاح اللسان
وغرّد كيف راد
بين أحواض غابة لكلام
بالمعنى بغاوا يسمعوا ليـــا
قريت لهم قصيدة
" طــرز اللســان "
كان لها عنوان
.. .. ..
تحت ذيـك الكـرمَة الْعـاليَة
الواقـفـَة ف جـنب لـْواد
ظـل وهـوا
الـﯕلسَـة نشـوَة
مُتعـَة عـنايـَة
تهتهـيتـَة نخـوَة
واحـْواض مْرَبْـطـَة
من عـامهـا توَكّـلْ
وْرُودْ معـفـرَة
زينهـا بـرّانـي
رابـطـَة عـزهـا
مدفـيَة الـقـلـب

جـوابها على نابهـا
الشـوفـَة فيها نشـوَة
زربهـا من شـوكهـا
وكل ترعـَة بعـلامـَة
وﮜـارد كـور زيـزون

تيفهـم بالإشـارَة
حـادﮚ وف يـدُو مرايـا
وقـوينـَع عـصـري
على لنبـاحـَة مدرّب والتهَـرنِين
تيشـم من بعـيـد
وتيفـرز الحجـرَة من الطـوبَة

المهـم ذاك الظـل محَـرّزْ
والغافـل ف سـماه هالـبـُو
مرشـوم ب لولاعـَة
تيْسـَوّط كـف بـكـف
ويدخّـل العـيطـَة تحـت الـدف

شـفـت شـوفـَة عـميـقـَة
ركبت لغـشاوَة على عـيني
ﮜلـت نـﮜلـس ونتـواطـى
ونشـم ريحـَة لـرض

لكن اللي فـيا ما هـنّانـي
ركـبـت ريـح الــﮜـانـَة
شاليت ب لجـام لعـنايـَة
ورسـمت خطـّي بين ﮜـراني
النهار قنديل
تيشيـر ب لخـضـر
والليل بلا نجوم وحداني
لمشـاورَة ديـوانـة
السـر تحـت النـْﮜـابْ خـْمَـرْ
الغـمزَة شـار بها الـشـفـر
وطرز اللسان ف لمرمَة اتـّحْصَرْ

يا دخـان لمنـاولة
فـرّوج لفجـر عـوّق
ومطـرح الخيل اتـّنْجـَرْ

الـــواد مرايـــا
واللي شـاف فيه وحـدّق
يعــرف صْفـَـاوْتـُو
الواد ما وجـْراف عـاليَـة
واللي زهقـت رجلـُو فيه ادّاه

ديـما ... ديـما
انـت واد تبقـى واد
شانـك ف كلامـك
وسمـاك ف جبينـك مقيـاس
وذيك الكرمة
شحال ما علات ف السما
جدرها يعطيك بالراس
واخ يغرف منك آلف كاس وكاس
انـت واد وهو ليك محتـاج
من ماك يشرب و به يرد الراس ...
.. .. ..
وكـان التتويج
بحب كبير
وجوائز تقديرية

عبـّرت على إعجابي بلساني
و جلت ف تاريخ
مدونــاه مآثـر عمرانيـَة
حاكيَـة أمجــاد
فنهـا دايـم ما فنـا ما راح

شكرت ونزيد نشكـر
جميع الإخوان
اللي ساعدوني وبرّوا بيـا
وكان ترحيبهم بشكل كبير
جود وكرم سلام وتحيـة
السي ناقوس المهدي
والأخ المسودي عبد الفتاح
والأخ محمد مومني

منهم جود كبير
امتثال وتواصل
و بالفائدة نفعوني

ونا مسلم وطالب التسليم
لشرفاء احمر
أهل مدينة اليوسفية

ــــ ــــ ـــــ

» 8 مارس غادي يدوز...برصاصة ...عفوا...بعدسة محمد المهدي السقال
» رحلة
» رحلة
» رحلة الــــــــــــذات
» رحلة