فتيحة الدرابي
عدد الرسائل : 442 تاريخ التسجيل : 21/02/2011
| موضوع: سوسة وتهوس الإثنين فبراير 28, 2011 4:38 pm | |
| دخلتني كيف السوية نخرت جدعي نخير هدات خيري للغير قهرتني اقهير خبزي معاها ابقى افطير كنت راس والليت رجلين اصبحت احديت الغاديين والجايين دخلت عليا كيف الزلط ما ابقيت عارف فين انزيد ولا فين نعفط سرحت السوسة اسريح طلعت ما ابغات الطيح عام مورا عام اعجبها لمقام القيت راسي امكبل بحبل طويل اوحلت امعاه اوحيل امطوق من الراس حتى الرجلين دورت بيها لعروش وكالت هي السبع وأنا غير عتروس والليت بحال السحابة امرقع القشابة تالف ف غابة غابة ما عندها حد اتلف لي العكاز ولبست عيني اجلالة حياتي ضاعت اخسارة مع امرة مشرارة اللي دارها بيديه إيفكها بسنيه فكها يا فكاك استرها يا ستار معاك واش أنا اللي اخطيت وما اعرفتش نختار وصادفت هاذ البلوة ولا هاذا هو حظي مع النسوة بغيت بيها نتونس لبقتني سوسة وتهوس سوست الضرسة تحيدها بالكلاب وسوستها هي لاصقة وتحيادها اصعاب. | |
|
أسماء محمد إدارة عامة
عدد الرسائل : 2070 تاريخ التسجيل : 23/01/2008
| موضوع: رد: سوسة وتهوس الإثنين فبراير 28, 2011 11:58 pm | |
| أستاذة فتيحة الدريبي
لقد أحلنا هذا النص الزجلي إلى ركنه الصحيح فالركن الذي أنزلتيه فيه فهو مخصص للدواوين الورقية وشكرا | |
|
مصطفى رضوان مشرف ..عضو حركة الحواس الخمس الأدبية
عدد الرسائل : 948 تاريخ التسجيل : 22/05/2008
| موضوع: رد: سوسة وتهوس الثلاثاء مارس 01, 2011 2:26 am | |
| خاطرة رائعة تستحق المتابعة ممتعة وننتظر جديدك | |
|
فتيحة الدرابي
عدد الرسائل : 442 تاريخ التسجيل : 21/02/2011
| موضوع: رد على رد الجمعة مارس 04, 2011 4:31 pm | |
| أختي الغالية أسماء أشكرك جزيل الشكر على الخدمة وأطلب منك المسامحة تحياتي | |
|