شهوتي ف الحلمه..3

شهوتي ف الحلمه ..3.زجل
ــــــــــــــــ
تبعته وروحي
عل جنحانه مهزوزة
لجهة الليل فهدوك الأعالي..
لقيت لجبال مركوزة
في ارض الكلام..
لقيت وديان مطروزة..
بمداد لحلام..
لقيت النشوة فعيني
تعاود تفتل ليام..
ترسم الصورة فقلب بنادم
بمغزل الروح تخيط لجراح..
لقيت ولقيت.. وشلى مالقيت..

لقيت جدوري فوق جدوري حبوب...
ولما سايل رقراق..
وانا بين يدين عقلي مكبوب
نشوف
وجه الارض كله زواق..
شكون يسخى يرحل

وعينه شافت
اللي ما تيشاف
قلت :نزل حملي باش نخفاف..

فعنق التاريخ نوحل
بيا ولا بيه
ماظنيت الحرف بربعة يمشي..
حتى نزلت اللي فكرشي ..
شكون معانا من غيرنا..
حنا اللي كاين.
حنا كلشي..
عطيوني الضو نزيد
شعلوني
نجيكم بغدا جديد...

المفضل الياموني

الزهرة درار الراقية اسعدني حضورك الوارف بين خربشاتي الزجلية ..
كامل تقديري وودي لك .

العزيز جدا ..صديقي الزجال محمد بوبكر ..تحياتي لك مفعمة بالمحبة الاخوية ...
كما تعرفني ...شكرا على حضورك الوارف ..

العزيز جدا مصطفى رضوان حضورك هنا مفخرة لي ..
لبد ان يشجعني لاكون دائما حاضرا ..
هي فقط ظروف عزيزي اكثر مما نتحمل تفرض علينا الغياب ..
اتمنى مستقبلا ان اكون في الموعد ..
دمت مفخرة لجامعات المبدعين المغاربة وسندا لكل المبدعين والمبدعات ..